■曾俊華為選舉忽然頻落區「親民」，更推出紙板等花款「呃like」。曾俊華現在每次落區，都有大批市民到場，或許是因為等他「等到頸都長」，時間更不是以分鐘、小時計算，而是以年計。曾俊華在9年多「財爺」生涯以來，極少落區聽取民意，更試過「開口夾着脷」，對持相反意見的市民反唇相譏「多謝你咁大聲」，被批評「算係乜嘢落區」。
2010年5月，曾俊華在沙田宣傳政改，遇上任職教師的戚先生，當時戚先生表明希望平心靜氣，給予曾俊華時間解釋該次政改方案如何比2005年的方案更民主，但曾一直拒作任何回應，而他當時的政治助理則稱「有機會嘅、有機會嘅」。
推紙板扭蛋賺民望
戚先生不滿曾俊華「粒聲唔出」，「點解??家咁好機會，佢都唔把握？」曾此時終於開金口：「多謝你。」戚反問曾「你多謝我乜嘢」，曾更爆出驚人一句：「多謝你咁大聲。」戚隨即譁然道「佢多謝我咁大聲喎」，雙方之後對望兩分鐘不發一言，曾最後由政治助理拉開。
戚先生事後接受傳媒訪問時狠批：「曾俊華根本唔敢面對市民，點解咁平和的對話，佢都唔肯答，咁佢落區係為乜？我企喺面前叫佢答，佢都唔肯，只係話多謝我咁大聲，究竟呢種算係乜嘢落區？」
如今，曾俊華為顯示自己獲「廣泛民意支持」頻頻落區，更推出紙板、扭蛋等花款「呃like」，但被對手林鄭月娥當面「卸妝」。在選委合辦的論壇上，林鄭強調落區不應只是選舉行為，曾擔任官員者應該時常落區，「現屆政府要求司局長落區，但係恐怕有一位另類啲嘅同事，係完全唔參與落區接觸市民，同埋同區議員互動。」