■羅冠聰發帖點名要黎智英（肥黎）等為之前話胡官係「鬼」道歉。 網上圖片在特首選舉期間，強推退休法官胡國興「入閘」的反對派選委紛紛轉軚，唱胡官係「鬼」，參選係為咗??曾俊華票，結果提名票180，最終得票係21，而曾俊華照樣以低票落敗。因在選舉中投白票而被「黃絲」鬧爆的所謂「自決派」之一、「香港眾志」主席羅三七（羅冠聰），近日在fb發帖點名要黎智英（肥黎）等為之前話胡官係「鬼」道歉。不過，又要威又要戴頭盔，羅其後將帖文轉為Friends only，被恥笑怕得罪金主，「所爭取的都不過是黎智英式民主。」 ■記者 羅旦
反對派選委在「送」胡官入閘後，態度就突然「360度」轉變。壹傳媒集團黎智英就在旗下的《蘋果日報》撰寫題為《不要讓陰謀得逞》的文章，批評胡國興之前「從來未為『泛民』講過一句好話」，參選後卻對「泛民」爭取的目標「琅琅上口」，又以其子胡雅倫為廣東省茂名市政協委員、其助選團「主幹」鍾瑞珍曾是民建聯立法會議員葛珮帆的助理為例，質疑他的背景。
胡官被稱「鬼」 羅「執着」要道歉
擺明「撐薯」的時事評論員劉細良也提出要「截胡」，聲言自己「由Day one開始就已經說胡官係鬼」，又揶揄「嗰啲因為政綱而支持胡國興的係白痴、堅離地」等等。
選舉結束，胡國興得嗰21票，到底「??」咗曾俊華幾多票？抑或是黎智英等人「造鬼」成功，令其他反對派選委不敢投胡官，咁就係雞蛋與雞嘅問題，無得深究。
網民未「喝彩」完 帖轉Friends only
不過，因為投白票而被「黃絲」鬧爆嘅羅三七就似乎好勞氣，更公開在fb發帖稱，「想問有冇人搵得返劉細良話胡係鬼，後來被人瘋傳那集網台節目？......呢件事我好執着，一個評論員要為自己說話負責，我要見到一個公開道歉為止。仲有黎智英。」
不過，該帖其後轉為Friends only，但呢個世界有樣嘢叫cap圖（㗎）嘛。激進「本土派」中人、「無待堂堂主」盧斯達就發帖稱，羅三七的文章「批評黎智英老闆以及其麾下的一班評論員鼓動輿論支持曾俊華，為特首假選舉背書，又抹黑胡國興??票之類」。這個post出現之後，有人為羅冠聰敢於向有權勢的人物表達不同意見而喝彩，不過該Post很快就變了Friends only。
被寸靠黎吃飯 認清立場先
網民「Hei Jack」就恥笑道，「擺明係唔想得罪金主，但Del（刪除） post又太明顯太核突。好心佢喺逞一時口舌之快之前，認清自己立場先啦！......靠黎智英吃飯，只能夠限於黎智英式敢言，所爭取的都不過是黎智英式民主！」
你搵人算賬，人哋都會搵你算賬也。羅三七其後又發晦氣地針對批評他的「黃絲」、「薯粉」發帖稱，「延續鬥爭格局，清算所有反對聲音後，就是和諧的太平盛世。」知名「左膠」林忌就揶揄，「求仁得仁......我真係恭喜你呀！」連粗口教師林慧思也抽水稱，「『我真係恭喜你呀！』睇完笑咗。」網民「Chun Ning Yu」更以彼之道還施彼身，恥笑道，「黎智英話唔支持（曾俊華）既（嘅）就係鬼！」