■千嬅指着未有到場的樂仔。香港文匯報訊（記者 梁靜儀）楊千嬅、陳逸寧、林兆霞前晚到九龍塘一間戲院出席《春嬌救志明》愛情寸嘴討論會，現場並公佈電影港澳票房已超過二千六百萬。
頻頻出席電影謝票活動的千嬅，前晚與陳逸寧及林兆霞現身戲院時，引來全場起哄，千嬅笑指這是個中女講座，講中女三寶，冷衫、外套、暖水壺。她指雖然電影已去到第二周，但都應該要勤力宣傳，希望再下一城破紀錄。對於影片暫時成為本年度香港最高票房的華語片，千嬅感到成績已好好，並感激觀眾支持，亦有信心打破上集紀錄。問到如何慶祝？她說：「如果過咗第二集就上台載歌載舞，開小型音樂會，book定麥花臣開騷三個一齊唱，攞今年生力軍組合。」問到千嬅會否穿上戲中護士cosplay造型見觀眾？她笑說：「我驚人哋以為鬼片，唔想破滅咗春嬌，要求唱歌完全冇問題，我哋係歌女，已經練晒歌。」
另外，問到兒子Torres有否睇《春》片？千嬅指電影是IIB級，兒子未夠秤入場，但兒子有說過想睇：「佢知道媽咪同爸爸去咗睇戲，冇叫佢，佢睇就曳，我話唔係曳，要等大個先睇，佢又問點解（主角）係樂哥哥（余文樂）而唔係Daddy，如果睇埋仲得了？老公管我已經好煩，多個仔管，我又要循循善誘答佢，話做戲係假嘅，佢又問點解假都係佢，可以搵Daddy！可以同Daddy一齊返工拍戲。」同樣已為人母的陳逸寧亦表示不會讓兒睇，因戲中她要爆粗。