■黃毓民在網台節目上聲稱自己及家人收到匿名恐嚇信。 視頻截圖妻收陰司紙恐嚇信 黃毓民火滾喪罵「達根粉絲」
「熱普城」自去年立法會選舉慘敗後內鬥不斷，「普羅政治學苑」的「教主」黃毓民連月來慘被昔日「愛徒」狗達（黃洋達）、「城邦派國師」傻根（陳云根）及其支持者清算，被呼為「狗主」。 黃毓民近日「忍無可忍」，在其網台節目上稱他太太在家中收到一封匿名恐嚇信，內裡有辱罵他們全家的照片及一疊陰司紙，更斷言一定是出自狗達及傻根的支持者，批評兩人一直包庇縱容，並為此決定不播出傻根的節目，又叫狗達「唔使搵我」喎。節目一出，網絡爆發大戰，傻根更暗指狗主是受「財閥」所託搞佢喎。今次真係食花生食到滯。 ■香港文匯報記者 鄭治祖
狗主前晚在其網台節目上稱，他太太在家中收到一封匿名恐嚇信，信中有一疊陰司紙，及3張分別印有「窮×『狗主』，三萬蚊都冇」、「『狗主』老婆、臭×」、「狗主個仔、死『監躉』」大字的他及其家人照片。
他怒指，「呢啲人係好×賤格，你唔妥我咪走出嚟傾囉！你藏頭露尾、連搵支筆寫都驚畀（俾）人驗×到筆跡」，又稱實在難以嚥下侮辱他家人這口氣，「我都唔會計較去到呢個地步寄陰司紙畀我。你淨係整個窮×『狗主』，3萬蚊都冇，做咩『教主』呀你，我都無所謂喎！但你攞我老婆出嚟鬧、用粗口鬧，叫我個仔做『監躉』，喂呢啖氣，我吞得落？」
點名指「葉政淳」行兇
狗主斷言，這些低劣的手段雖並非出自狗達或傻根之手，但一定是出自兩人的支持者，「『狗主』呢句說話，《熱血時報》嗰邊都有人講，用×到『狗主』已經好×明顯啦，黃洋達都試過講笑叫我『狗主』啦！......你縱容呢個（撐「熱狗」網民）『葉政淳』搞×我呀嘛！」
他狠批狗達及傻根包庇縱容其支持者，「黃洋達兩公婆好×嘢，就算呢件事唔係你做，都係因你哋而起，除非有人出嚟認頭！事件就係因為你哋喺度沉默，我就畀（俾）人圍揼、你就沉默！唔×敢面對現實，事就由你（而）起，你去BLOCK（封鎖） ×我哋啲人！」
「狗主」並決定暫停播出其網台節目中由「傻根」主持的所謂「城邦論壇」及「華夏建國論壇」，「呢個台係我（嘅），係我創辦、我畀錢。邊個入嚟做節目我都無所謂嘅，但係我係有權叫任何人走！所以陳雲呢個禮拜五咪唔×使做節目囉。你黃洋達以後都唔使搵我，講×完！我都唔會同你嗌交，大家日後好相見，我（對）啲支持者都要有個交代嘛！」
「MyRadio」台長梁錦祥也在節目中稱：「陳雲及莊元生的節目，理論上跟這件事是沒有關係的，但不可以繼續做的原因是，如果這個節目繼續做落去，我哋嘅支持者會對我哋有強烈嘅意見！再花時間去搞落去，件事就會沒完沒了。」
狗主最後稱，倘任何人再在網上推波助瀾、「抽×我水」，那些人就是「鬼」，「例如（云粉）『藍鳳凰』嗰啲跟住一路搞×我，如果Like佢嗰啲人、真名真姓嗰啲咪係鬼囉，嗰啲唔係人嚟啦！」
傻根反指作故仔抹黑
傻根看似平靜，稱這只是「小事」，但就忍不住發帖稱「有財閥搞我」。他重溫了去年6月自己的一個帖子，當時自稱「見了一位財閥集團的使者」，對方聲稱傻根「碰觸了天機」，就是「新自由主義」。傻根稱自己可以「修正新自由主義」，並「引述」對方稱：「我們會加碼投資，跟在你的後面，之後將你超越，令你看來變得過時。」
傻根將這段廢話，作為回應狗主的「預計」，「看了（這帖子），大家就會釋懷，知道為什麼事情會這樣發生。All go as a master plan」「熱城」當然也紛紛向狗主開拖，稱「狗主」為了抹黑兩人而自編自導自演，有人更稱他是要切割關係，部署在被「熱城」鬧爆的「青年新政」中搵「轉世靈童」。