■「葉政淳」與妻子「Peggy Yip」輪番發帖踩黃于喬。 fb截圖「熱狗」追咬黃于喬，黃當然亦都唔係善男信女，針對「有名有姓」者貼相反擊。其中激進派網民「葉政淳」之妻「Peggy Yip」留言講幾句，話黃于喬個樣「有少少唐氏（綜合症）」。黃于喬就話對方博出位，更為咗「成全佢」，將對方個樣post上自己fb。「青症雙邪」中的「Cheap禎（游蕙禎）」也加把口。「Peggy Yip」反擊話「我有老公，你得狗公，真係陰功」喎。
互踩智障無樣無身材
事緣「Peggy Yip」在「討伐」黃于喬的帖子中留言道：「好mean（刻薄）咁講，其實我覺得佢樣有少少唐氏，所以我估啲人以為佢......總之感覺好怪，但佢行為係低過唐氏。利申無歧視唐氏的意思。」
黃于喬即時cap圖上載了對方的照片，稱「我之前從來無攻擊過佢地（哋）任何一人，即使佢地（哋）攻擊左（咗）我幾個月。......但流氓唔曉感恩，我唔還拖就得寸進尺，事事抽秤，搞足我幾個月。咁落力，無非都係想搏（博）出位姐（啫），等我幫下（吓）佢地（哋）」。
她續稱：「問題：葉嬸嬸話我似唐氏綜合症，算唔算係以己度人？咁啦，佢一係就係唐氏，一係就唔係唐氏，咁佢都有50%機會係唐氏綜合症咁啦！」
Cheap禎就留言稱：「如果佢真係冇歧視（嘅）意思，咁唔該叫佢解釋下（吓）咩叫『行為低過唐氏』。」Cheap禎友好「方學能」附和道：「冇歧視唐氏，係歧視低過唐氏嘅人啫！」Cheap禎回應，「一定是啦！」
呢頭話唔好歧視，黃的支持者就肆意攻擊對方的外貌。「Kee Tang」稱：「呢個阿禪（嬸），一是唐氏加弱智，一是超級唐氏加超級弱智。」「Boris Wong」稱：「肥×唔緊要，最弊佢又肥又×。」「海格」也道：「葉偉健（據稱為『葉政淳』真名）咁×爛滾女，最後竟然揀咗呢個朱咪咪做老婆，唔知算唔算係現眼報。」
「Peggy Yip」不甘示弱，在自己的fb發帖稱：「有人話：啲女會主動上我張床......有人話：成日俾人非禮俾人跟。自編自導係我睇電影多年來的心得。」
「葉政淳」當然也發帖護妻，其中一張是黃于喬讀大學時和今天的照片比較，質疑佢整過容喎。 ■香港文匯報記者 羅旦