■范國威轉發網民帖子攻擊方國珊。fb圖片「青症雙邪」極有可能被終極DQ，九龍西及新界東補選勢在必行。「新民主同盟」前立法會議員范國威（咖喱范），曾豪言「我唔見咗嘅嘢我要自己攞返」，故勿論佢當個議席係自己嘅係當選民冇到啦，但佢示範反對派點樣「攞返」嘅手段，其實都係靠攻擊所有潛在嘅對手。近日，九巴在各巴士站派糉，有人上載了一幅據說為西貢區議員方國珊（哪吒）在派糉現場的照片，范國威就即時轉載，批評對方「抽水」。
九巴由周二開始在多個地區的巴士總站，向區內65歲或以上長者派發由九巴丶龍運同陽光巴士員工獻出的愛心糉。「將軍澳友 Captain O」fb專頁近日發帖，上載了一張疑似為方國珊在九巴寶琳總站派糉現場的照片，質疑道：「方國珊幾時加盟咗九巴架（㗎）？到底邊個係九巴職員，邊個係方議員？」
吼準補選 攻擊對手
范國威轉發了該帖子，更發文道：「有冇搞錯！九巴响（嚮）度派糉，你方國珊就响（嚮）度抽水！」其支持者就留言鬧爆方國珊。「Summer Ha」回帶稱：「她（方國珊）講過：以後不選立法會，一句到尾！」「Tommy Yan」也稱，「上次輸咗又話唔再選......宜（𠵱）家又四圍插旗準備選。」范國威即時回應稱：「講大話！」
其他范國威支持者也紛紛發帖批評方國珊。「Emily Yam」稱：「真係好卑鄙，响（嚮）旁邊擺街站，扮曬（晒）自已（己）派䐓]糉）咁！」「Jeff Li」揶揄，「補選近了，佢又想博上鏡。」「Louis Chan」更聲言：「都唔係第一次，逢有千歲宴招待長者，佢都會响（嚮）旁邊插直幡擺街站抽水呃人。」「Cindi Kwok」就稱：「方小姐唔止係變色龍、重係政治菠蘿雞......！」
逢到選舉，反對派都靠攻擊對手呢招㗎啦，相信大家都心中有數，咪當近期花生豐收食多啲囉，認真你就輸了。 ■香港文匯報記者 羅旦