■李宗澤質疑袁海文。fb截圖傳統反對派猛話「青症雙邪」被DQ係「政治迫害」，但所謂「口中說不，身體卻很誠實」，佢哋已經紛紛部署搶位。擔任民主黨司庫的深水埗區議員袁海文，近日在接受網媒訪問時直言有意參加補選，強調議席並不屬於任何人，應該由選民決定。他更批評Cheap禎（游蕙禎）的所為小學雞，故傳統反對派在補選中不應讓路給對方。Cheap禎就揶揄道：「佢係選舉主任？參選要問過佢先？」其後梗係網上鬧大交，「鴿粉」鬧爆Cheap禎辜負選民期望，冇資格再選。「雙邪」支持者就猛話白鴿黨無恥咁話。■香港文匯報記者 羅旦
所謂「有食唔食，罪大惡極」。袁海文近日在接受網媒《香港獨立媒體》訪問時，稱自己「積極考慮參選」，更明言傳統反對派不存在所謂「應有之義」，不應該讓路予Cheap禎，因為她和同黨梁頌恆「做了十分小朋友的行為」。又稱「議席唔屬於任何人，我睇唔到要畀返『青政』，因為市民已經畀咗機會佢哋」。但就贈慶道，倘「自決派」的劉小麗因宣誓案而被取消議員資格，對方可以有「優先參選權」喎。
公民黨及民協在九龍西都冇晒議席，係咪應該有「優先權」？袁海文就話應該舉行有「公平競爭」的「初選」，「大原則應是守住『民主派』一席，所以補選不應有太多的限制」云云。
不過，咁講同當年民主黨喺新界東補選時，死都話個位係屬於公民黨，所以呼籲選民投畀戇橋（楊岳橋）又唔同咗喎？
陳展浚做「炸両」話食相難看
做議員可以撈到一大筆，你以為Cheap禎真係會好似佢口中咁講，話目前只專注官司咩？Cheap禎近日在fb上載咗「新民主同盟」范國威嗰段「我唔見咗嘅嘢我要自己攞返」的帖子「明志」。
她的前助理李宗澤就在fb轉發了該篇報道，Cheap禎更留言回應：「佢（袁海文）係選舉主任？參選要問過佢先？」
前民主黨成員陳展浚也發文道：「無論要『初選』又好都擺明唔會係『青政』選返，食相難看，真心相信嗰位唔係人真係無乜資格做『民主派』。」
激進派批餓鬼搶屎被罵「本土狗」
激進派網民「Alex Cheung」發帖批評傳統反對派一直打壓激進「本土派」，「湯家鏵（驊）當年新東退黨辭職，辜負投票俾（畀）佢既（嘅）市民。『泛民』可以咁無恥叫大家顧全大局，還返個議席俾（畀）佢地（哋）。搞到梁天琦高票落敗！今日，梁游被DQ，受到『政治打壓』，『因人大釋法而被褫奪議席』，......『泛民』卻好似餓狗搶屎咁......」
傳統反對派支持者「Edmond Kwok Alex Cheung」就留言反駁：「講到話係『泛民』叫人顧全大局，楊岳橋先贏。唔該你呢d（啲）『本土』賤狗，尊重吓選民啦！上年新界東補選，市民已經將神聖一票，投向楊岳橋，令佢勝出啦！」
其實，大家都係爭議席，何必分得那樣細呢？