■狗主網台宣佈四眼出走。 fb圖片「狗主」黃毓民與昔日愛徒「狗達」（黃洋達）、「城邦派國師」傻根（陳云根）近日內鬥不斷，「熱普城」已分離得支離破碎，各人隨即紛紛歸邊。有「四眼哥哥」之稱的「熱血公民」副主席鄭錦滿上周出獄後，即在狗主的網台MyRadio中表明不會再主持該台的《四眼乜乜乜》節目，更稱日後會將最多的時間及精力投放在所謂的「熱血鳳凰計劃」云云。四眼歸邊，再引發網絡罵戰，有人勸佢唔好群埋「熱狗」呢班「×人」，「熱狗」當然話佢走得啱啦。其實，講到底都係邊度多錢搵咪歸嗰邊，講咁多「大道理」做咩啫你哋？
鄭錦滿於今年3月底承認於違法「佔領」行動期間，因違反禁制令，阻撓旺角清場，被法庭判入獄3個月。他於上周刑滿出獄，大批「熱血公民」成員接「放學」，包括狗達及「熱血公民」主席蟲泰（鄭松泰）等。事隔兩日，鄭錦滿到MyRadio主持其《四眼乜乜乜》節目，分享他的服刑經驗。
哪邊有「錢」途 四眼當然識揀
正當大家猜想他究竟會歸哪一邊時，四眼即在節目尾聲宣佈將會暫停主持該節目，並透露自己日後會將最多的時間及精力投放在所謂的「熱血鳳凰計劃」，希望大家會明白他的做法云云。
所謂「熱血鳳凰計劃」， 是「熱狗」聲稱要協助被「政治檢控」的「義士」，讓他們在計劃中學習「專業技能」，考取牌照，習得一技之長賴以維生，及「貢獻社會」，更希望在可見的將來發展成「社會企業」云云。當然，呢個計劃嘅重心，當然係一個「錢」字啦，即係另一個由「熱狗」發明的「吸水計劃」，加上蟲泰畀佢做新界西社區主任，話唔定遲啲有份選區議員，遠非已失去立法會議員議席的狗主可比。兩邊秤一秤，邊一邊「錢」途無限，四眼當然識揀啦！■香港文匯報記者 鄭治祖
鬧忘恩負義
Aggie Tse：估到。人地（哋）台（「熱血時報」）拎曬（晒）旗去接「放學」，講明要人表態啦！
伍伍：利窮則散都預左（咗），見到毓民沈（沉），個（嗰）邊勢頭勁咪走囉，不過唔好後悔就得。
Sunny Sun Yue：忘因（恩）負義嘅人要走快走！
RB Ball：旭（毓）民好慘，總是比（俾）人呃。四眼呢類喪心病狂，見錢開眼既（嘅）人渣，等天收哪（呀）。
Eric Chan Chi Hong：舊年我選左（咗）佢就算，當睇清楚一個人，佢好自為知啦！
撐拒狼狽為奸
Arthur Camus：恕四眼哥哥及各My Radio主持人請勿與毓民為伍，速離、若繼續與毓民共事就是與虎謀皮、狼輩（狽）為奸、作了平庸的惡而毓民的惡不是平庸、毓民是要落地獄的、在選舉前視陳雲為「國師」、選舉失利後嘲笑侮辱陳雲、如此背信棄義者他就是最好政治倫理的反面教材！
Jase Chiu：四眼做得好，離開×台！
資料來源：facebook
整理：香港文匯報記者 鄭治祖