■狗主（右）一講到傻根就扯晒火，隔籬「台長」梁錦祥唯有做鵪鶉。YouTube截圖「狗主」黃毓民之前同佢徒弟黃洋達（狗達）仲有「城邦派國師」傻根（陳云根）決裂，仲停播傻根喺坉蚨竷xMyRadio嘅兩個節目。不過傻根都唔使愁飯碗（仲有最重要嘅藥費），皆因佢即刻俾狗達嘅《熱血時報》收留咗，新節目喺噚晚深夜首播。狗主唔抵得傻根咁快泊到新碼頭，前晚主持節目嗰陣起勢數臭佢，又話剃眼眉又話佢反骨，更暗寸《熱時》啲主持唔熟書又唔做功課，開咪淨係識吹水。不過，傻根話晒都算係名人，𠵱家MyRadio淨返啲奀星，月費收入隨時仲告急過狗主上年選立法會，所以狗主一句到尾都係叫「教徒」乖乖科水。 ■香港文匯報記者 陳庭佳
相信有睇狗主前晚節目嘅朋友，隔住個mon（熒幕）都聞到兩陣味，一陣就係酸味，另一陣就係銅臭。狗主話傻根俾佢停咗兩個節目之後，「話咁快就有網台（《熱時》）請佢去做，擺明係剃我眼眉佢都要做㗎啦，擺明係落我面佢都要做，咁仲唔清楚？」
着教徒唔使幫鬧 課金要緊
之前MyRadio同狗達有金錢瓜葛，停止每個月畀3萬蚊狗達，搞到畀「熱狗」同「城邦派」寸做「燶×（窮鬼）台」，亦都成為「熱普城」決裂嘅其中一條導火線。唔知係咪月尾特別手緊，狗主咁樣呼籲「教徒」：「如果係支持我哋嘅就畀多啲錢（MyRadio月費），唔想我畀（俾）人剃眼眉、難過嘅就畀錢！唯一可以解決就係咁㗎啦，唔需要勸我，我亦都唔會再去××佢哋，因為已經唔值得去提呢啲人㗎啦。反骨仔就係反骨仔，×你老母黐線佬就係黐線佬，定×咗位㗎啦。」
狗主又叫「教徒」除咗科水之外唔使做任何嘢，「唔需要講咁多嘢，亦都唔需要喺網上打飛機，亦都唔需要繼續鬧佢哋，亦都唔好share嗰啲嘢畀我睇，我??家未得閒咋，得閒就所有相關呢啲人全部block（封鎖） ×晒佢......我無叫你幫我鬧人，唔×使鬧㗎啦，我講嘅就已經係一錘定音嚟嘅，嗰啲係仆×嚟嘅OK？呢啲仆×我哋就老死不相往來！講完嘞！因為實在太過反骨，實在太過仆×，話我收人民幣都未夠，仲要話我收美金，呢個冚×剷係咪應該仆×吖？咁仲使乜我講啫，名都費×事開佢！」
批熱時零進步 網民譏只為錢
佢越講越扯火，扯埋《熱時》成個台嚟講，話唔少人睇佢啲節目嚟做節目，唔睇就唔識做，又話論政節目要講功力，唔熟書就要加多兩錢肉緊刨資料，仲不點名批評佢之前都有份主持過嘅《熱時》節目「大香港早晨」，「×你你做多10年你都做唔到㗎嘛，你又唔做功課，×你擘大口朝頭早喺度口噏噏喺度吹水，×你老母你早晨節目點可以吹水啫？時事節目點可以吹水啫？做幾年都無進步嘅，我睇住嘅。」
狗主青筋暴現咁鬧傻根、鬧狗達、鬧《熱時》，但唔少網民一眼睇穿佢都係為咗自己荷包。「Roger Chan」話成段說話嘅重點就係錢，「笨土奇聞錄」就唔妥狗主咁霸道，「你停人節目就得，人哋去其他網台開咪就唔得，網台得你一個先有？講到尾最緊要呢句，課金。」亦有人對於狗主呢種「撕裂 N.0」見怪不怪，「Kam Wai Ng」覺得係狗主性格使然，「已知由（上世紀）90年代初至今，不論個人、團體，合拍初期嘻嘻哈哈，結果都是反面收場！」