■仇思達指《熱血時報》改用「Icecast」播放，是為隱藏收聽人數。 fb截圖「熱普城」敗選後隨即分裂，「狗主」黃毓民與昔日愛徒「狗達」（黃洋達）和「城邦派國師」傻根（陳云根）割席，傻根其後在狗達的《熱血時報》網台開咪，更宣稱節目一開始就課金數以十萬元計。不過，「熱城」的支持度，實際上與早前參與立法會選舉時相去甚遠。一直親「狗主」的「無敵神駒」仇思達嘲諷稱，「熱狗」網台節目隱藏了收聽人數，質疑他們只是造數，實際收聽人數少得可憐，更在facebook挑機謂︰「『萬人台』喎，多過打機『達哥（林慧韡）』喎，使乜轉移視線啫，開（收聽人數）出嚟見我地（哋）啦！」 ■香港文匯報記者 鄭治祖
仇思達近日在fb發帖踢爆《熱血時報》的網台疑似「篤數」，他聲稱：「好心『熱狗』面對現實，唔好再拋一大堆術語出嚟嚇人，喺度混（渾）水摸魚，博班傻仔睇唔明信以為真。根本連來連去都係同一個server（伺服器），不同時段試極都係同一個結果，好心唔好再用大話去冚大話喇。成個廢黨一味靠吹靠『督（篤）數』，顧左右而言他，講來講去，就係死人都唔敢公開live stream嘅直播人數，×到×街！」
指棄用「Shoutcast」為隱藏人數
他並向《熱血時報》挑機，要求盡快公開收聽直播節目的人數，「『熱狗』唔好再『死狗撐飯蓋』喇，快啲公開live stream嘅直播人數啦。『萬人台』喎，多過打機『達哥』喎，使乜轉移視線啫，開出嚟見我地（哋）啦！」其中，「狗主」亦有讚好個別要求「熱狗」交代數字的帖文。
仇思達仲話，《熱血時報》為逃避被查核收聽節目的人數，從「Shoutcast」播放平台轉去「Icecast」，以便將顯示人數的頁面隱藏。他嘲諷道：「啱架（㗎）喇，咁咪可以繼續天花亂墜『督（篤）數』囉，『萬人台』！」
皇后稱有痛腳揸手圖滅聲
至於「熱狗」方面到底有乜講法呢？「狗達」前日就喺fb出post，指大家都知自己「根本唔×識」收聽爭議嘅討論；「狗達」之妻「皇后」陳秀慧就話條數唔係咁計，仲轉載解釋貼文暗諷仇思達唔識嘢，再踩多腳喺fb做直播嘅仇思達謂︰「你估我地（哋）係叫人電腦手機電話睇節目，就會出3個views既（嘅）低能facebook live咩......」
不過，佢就冇交代條數到底係幾多喎。為咗要對家收口，陳秀慧仲意有所指咁出post話︰「我希望有啲有份抹黑我地（哋）既（嘅）人，仲記得我係知道你某啲好私人的秘密，而到現在你選擇咁樣對待我地（哋），我仍然為你緊守秘密。」
仇思達在網上接連發功攻擊「熱狗」，當然會惹來對家不滿，更有「熱狗」揚言要控告他。仇思達反稱：「『邪不能勝正』。聲稱要告我嗰啲，快×啲告，唔告正契弟。連live stream嘅直播人數都唔敢公開，一味拋啲科技術語出嚟靠嚇，仲要折墮到轉用icecast去隱藏聲音（收聽）直播人數，可見已經係去到窮途末路，兜無可兜。『做人最緊要正直』，係要用行動去實踐，唔係用把口去講。快啲告，即刻告，立即告。」