找數真漢子，唔找數嘅係咩？被指為「本民青症狗」、網名「凱撒」的黃家進昨日發帖，指稱「熱狗」副主席「四眼」（鄭錦滿）在立法會選舉時託佢拍條片，結果拍拍吓話唔想拍，連先前拍咗嘅片都唔要，冇畀到錢咁話。有人就話條片真係拍得唔好睇，「凱撒」就話「四眼」當時做導演，即是唔關佢事喎！老老竇竇，你班「港獨」派啲私人恩怨真係好難搞清楚，但如果真係有人走數，咁似乎唔係好啱噃。 ■香港文匯報記者 羅旦
搞製作的「凱撒」近日發帖稱，「話說之前副主席搵我拍選舉片，錢又冇比（畀），拍拍下又話唔想拍，搞到我×做咗，有幾多人想睇？」雖然，佢冇講邊個副主席，但已經有人估到。「學生動源」召集人鍾翰林，以至被指為Cheap禎「狗頭軍師」的林浩基都想食花生，紛紛支持佢將片上載。
「凱撒」其後上載了有關短片，並發文道：「話說副主席搵咗我拍片，我就唔用腦，就咁做Cam man，佢做導演，拍拍下冇咗件事，又冇錢比（畀）返我，又block埋我。好×是旦咁edit咗啲片去嚟，後半段冇嘢睇。」
前半拍爛片 後半惡搞「入青山」
短片開估，帖文中的「副主席」就係「四眼」，片中上半段係拍攝他做引體上升同跑步，但速度就顯得非常古怪，剪接都亂七八糟。
最抵死嘅係「冇嘢睇」嘅下半段。話說「四眼」另一個外號叫「超音鼠」，話佢好以世嘉呢個舊電子遊戲中嘅人物咁，見有「光環」就衝過去搶，「凱撒」於是截取了超音鼠的遊戲畫面，添加了「四眼」跟步的模樣，和真正的超音鼠在自創關卡「Green hill（青山）」鬥搶光環，連「叮叮」聲都落埋。
「凱撒」紛紛恥笑「四眼」。不過，「Castor Ho」就留言道：「但係你（上半段）真係拍得唔好睇......呢D（啲）野（嘢）應該事前傾好數。」
「凱撒」則反駁：「下（吓），佢都冇話要拍咩，導到一舊舊（嚿嚿），啲location錯晒，又趕時間......完全冇事前溝通。」
「Castor Ho」回道：「所以年青（輕）人（我開map炮）真係做野（嘢）要有步驟，夾唔掂寧願唔好做。」
網民鬧「四眼」「走數死全家」
「C.w. Ho」就揶揄「凱撒」：「你真係好得閒......」「凱撒」即回道：「追債，拍片唔洗（使）錢？」「C.w. Ho」就附和：「走數死全家。」「Vince Dick Ma」更稱：「唔好為尐（啲）監??嘥時間啦！」
呢單嘢爆出後，「四眼」一直冇回應，而係喺《熱血時報》直播砌高達模型。坦白講，「獨派」互咬，唔係權就係錢，但同時又糾纏不清，係真係假，就真係得當事人知囉。