第六場､第三班､一六五○米。「再創商機」五歲仔上季初表現一直乏善足陳，跑到季尾卻見大幅進步，尤其出戰谷草一哩的一役，本身三十五倍大冷門排十檔，起步切入守在馬群前列，入直路兜出二疊打衝鋒，最後力擒「強中堅」爆出冷W。而今季轉投霍廄後晨課積極，埋門試大閘走勢亦見對辦，提防今賽用紹仔施放冷箭。
第七場､第三班､一二○○米。「競駿時代」前速飛快，喺上季三月及四月配上潘頓連贏兩場谷草千二米；其後兩戰升三班只作回氣性質，跟跑而回；今再戰勝途排六檔唔差，慎防快閘搶放爆出冷門。
第八場､第二班､一六五○米。「嘉應之友」前季在容廄曾勝出二班賽，兼且跑過香港經典盃及打吡大賽等四歲馬系列賽，其後重返二班上陣亦一再入位，可是馬兒上個暑期轉投蘇保羅馬房，結果全季十一戰僅上名五次仍未能取勝，但值得留意一點，此駒乃一氣五仗跑入三甲。而今季減至八十五分交由雷神操刀，且看能否憑騎者一流功架替馬兒打破悶局。