第六場､第四班､一六五○米。「天長地久」八歲老馬因為傷患困擾未能多跑，上季尾轉投何廄初出田草千八，落敗而回志在摸底性質；今季減至五十四分，看備戰已比上手馬房正常，近周由梁家俊試泥閘全程殿後未有睇頭，不過今仗練者找到合作唔多嘅杜利萊操刀，提防施放冷箭。
第七場､第三班､一二○○米。「狀元才」後勁一流，喺上季初曾打疊於谷草千二跑獲亞季各一，而今季減至六十七分起步，上仗配韋達出爭此程，排外檔沿途尾隨，入彎抄出外疊打衝鋒，鬥到返嚟只負頭馬兩身位得第四；拚後復課仍由韋達一手打磨，今次人馬再戰排三檔，且看韋達可否憑牠打開今季勝門。
第八場､第二班､一二○○米。「越影」上季共得三冠兩亞一季，兼且最後一役跑過三級賽，不過一哩並非所長跟跑大敗而回。至於今季評九十七分喺此群起步雖無優勢可言，惟千二磅大馬前仗負重磅下，仍可後追與「順勢寶」串Q而返，足證今仗改配羅理雅操刀，留前鬥後打衝鋒，可前列而返。