第一場、第四班、一二○○米，容天鵬馬房的「凱旋號角」，源自一五年新西蘭兩歲試跑拍賣會，當時成交價十六萬紐元。父系為早熟種「楔位勁贏」，出自短途馬王兼冠軍種馬「燈塔島」，服役時曾勝出五場千一至千二米，包括三級賽聖杜文高、二級賽羅馬領事錦標，以及一級賽威廉列特錦標，乃當年最出色的兩歲馬之一。其母Dance Class與退役馬「危險人物」同父出自Bin Ajwaad，亦是短途馬，一生兩捷於千一及千二米，可見「凱旋號角」乃正宗短途血統。「凱旋號角」的同母馬盡是短途馬，其中一匹出自「聽命」的馬女Moulin Rouge曾經八捷，贏馬路程為千二米及以下。「凱旋號角」上季尾初出谷草一千米已見後上輸近，直路上加速後追回大量失地，今季在報名前曾渡江試谷草短途閘，後上第二不敵「永旺喜喜」經已仄準，今次操足作季內初出千二米啱數，試準而來唔好睇小。