第四場、第四班、一六五○米。「榮冠大道」上季最後兩仗均在泥地千八米取勝，但今季初出偏偏選擇轉跑谷草一哩，排十一檔之下沿途走二疊，兼且遇上中段變奏提早踩油發力，跟到入最後二百米才力弱，最後力保一席殿軍，已經係早段前置馬匹之中演出最好的一駒，經過一場實戰開氣後，對此匹粗身馬必定有裨益，其實剛周六都有四班泥地一哩賽程可以將就一下，但葉楚航仍然選擇再戰谷草一哩，可見對馬兒上仗初跑同程的表現相當滿意，有過一仗經驗下預期會跑得更好，坐位望贏可做到。
第八場、第二班、一二○○米。「好健康」全盛期曾經勝出三級賽港澳盃，雖然已經三年半不勝，但對比最高峰時的一零六分，現時八十七分必定有優勢在手，事實上，此駒上季三戰二班賽獲一亞一季，證明在此班必定有迴旋餘地，而且值得留意一點，此駒歷季初出累積一冠一季，當中上季初出在二班賽跑獲季軍，狀態容易操起，最重要係今季開操後操練工夫正常，反映健康情況已經再無問題，將目標指向今場谷草短途，面對盡可能較弱的對手，苗禮德挖空心思去部署，務求為馬匹取得久違了的頭馬。