【詐傻扮懵馬】呂健威緊張塑料喜

呂健威（圖）在上個禮拜六賽事，馬房出四隻贏三隻，令倉主開心到暈，連徒弟蔣嘉琦亦替師父開心，因為季初開頭開得好，日後師父又點會冇好馬關照。由於馬房上周末成績好，周日倉主安排馬房還神，下午搵人準備燒豬等祭品，希望還神後旺氣延續，據倉內手足指出，今次倉主最緊張「塑料喜」，呢隻馬上季初轉投呂健威馬房，幾經辛苦才於季尾階段在谷草一哩打開勝門，而這駒今次列陣是經過倉主細心安排，賽前每當呢隻馬快操完畢，馬房都會安排按摩師同匹馬按摩回氣，看動態如此認真，呢匹馬應會在季初搶攻。■靈驗客

讀文匯報PDF版面