【資料速遞】高伯新快利見真章

2017-09-22

賭馬最重要係睇臨場，相信未必有太多人反對，事關任何時候馬匹出了亂子，未必一定會安排退出及回水。如果要汲取教訓後才會學精，相信上季煞科日有份下注「快利」的馬迷，都買到一個教訓，而且一肚火，事關此駒當日離開沙圈步出跑道之際，突然跣腳成匹馬反轉，而鞍上人史卓豐亦墮馬，如此情況之下，獸醫認為該駒左後蹄球節內側表面有一處擦傷，但仍批准照跑，就算身體只受輕傷，精神上受到驚嚇亦難免會影響到陣上發揮，所以當日敗績可以抹去，經過兩個多月休息期，相信馬匹已經忘記當日意外，準備好可以重新出發，馬房出王牌跑今仗田草千二米勝途，應可見真章。