■黑妹同肥媽着住學生妹水手裝出場。香港文匯報訊 黑妹同肥媽前晚在灣仔伊館舉行尾場演唱會，嘉賓有農夫、喬寶寶、羅敏莊同囡囡陳禛。個騷用棟篤笑形式進行，黑妹同肥媽着住學生妹水手裝出場，肥媽首先話：「大家鍾唔鍾意我咁着呀？呢個係處女look，學生時我真係處女。」黑妹接住笑話：「係柱女look，一個圓碌碌嘅柱女囉！」其間有觀眾送花，2人即刻唔客氣話：「花好貴，你們咁有心，不如畀利是。」一講完，王俊棠就送上利是，2人落台同觀眾握手時，亦都不停收到利是，收完即刻攝入衫裡面放好。
騷後兩人在後台受訪，兩人表示今次合作開show很好玩，但可惜不夠時間搞到cut了某些部分，黑妹表示未開場前已cut咗一半，後來喺現場再cut，今晚起（前晚）都有cut。肥媽表示：「尋日個show係長點，如果超時要罰錢，如果過咗12點的話要罰一場的錢，所以即刻走。」黑妹亦表示今次感謝肥媽仗義相救開show：「今次差唔多所有嘢都係阿媽精心度出來，佢用心將屋企發生的事講畀大家聽，所以笑料先咁好笑。」