【資料速遞】僥倖轉場謀三連冠

2017-11-21

早幾個馬季，葉廄曾經好少出現連捷馬，贏完之馬通常再出都會失準，到底係幕後飽食遠颺，定係戰馬在贏馬一役硬拚完畢後，狀態未能保持得到，實在好難一概而論，不過由上季開始，此情況有明顯的改變，例如葉廄出現連場上名甚至打疊贏馬的「紅星」，而今季亦有「僥倖」兩戰全勝未逢敵手，事實上，後駒上季在告廄時期，已經證明過係一匹識贏之馬，只係贏完之後未能夠再進一步，只停留在三班等機會，及至季尾階段轉投葉廄，雖然曾經因為右前腿不良於行退出比賽，但其後提早抖暑，今季正式以葉廄馬身份上陣，兩次出賽均輕勝而回，今次轉跑谷草千二米，有力乘勇再下一城。