【資料速遞】萬利高忠心信得過

2017-11-21

蘇保羅馬房的紐西蘭自購馬，不時都會有揀手貨出現，事關以練者在當地的人脈關係，入錯貨的機會可大為降低，好似十一捷馬王「友瑩格」，以及打吡盟主「活力金剛」，都係紐西蘭佳駟，而上季投入蘇保羅陣營的「萬利高」，到底能否成為級際賽頭馬，相信仍然要給予時間作證明，但此駒由上季至今七度上陣，得一冠兩亞三季一殿，已經充分證明係一匹演出準繩的中短途分子，雖然此駒體重達千一磅，但今季兩戰谷草千二米均跑獲亞軍，反映窄場性能甚佳，反覆試準後，今仗升班減磅再戰同程，遇上拆組賽事對手減弱，有力重開勝門。