■楊岳橋攞住啲支架揈揈吓表現得好開心，被網民狠批。 楊岳橋fb視頻截圖反對派議員同團體又企圖喺立法會外「吹雞」施壓，點知示威變示弱，得嗰50人左右，班傳統反對派仲大玩「快樂抗爭」，即刻就俾激進派狂鬧。其中，公民黨黨魁戇橋（楊岳橋）噚日唔使3個鐘就拍完剪好自己紮營嘅片，仲配上輕快音樂，攞住啲支架揈揈吓好開心咁。唔少網民就批評，呢班傳統反對派正一「政壇小丑」，今日仲好意思食「剪布饅頭」，令到成件事「膠化」（變得白癡），搞到越嚟越少人「抗爭」。
立會外紮營放片呃Like
呢頭就講到修改議事規則幾咁「傷天害理」，嗰頭行出議會嘅「抗爭手法」就係開心紮營，難怪戇橋俾人鬧到反艇。中文大學講師劉正就喺坉耖acebook專頁「無神論者的巴別塔」，狠批戇橋係「政壇小丑」，「唔係唔比（畀）你『快樂抗爭』，但自己扎（紮）個營同反對修改議事規則有乜×嘢關係？除咗呃Like對件事有咩幫助？即係可能呢條小丑都知抗爭去到尾聲，唔消費埋佢就無得再消費架（㗎）啦，梗係玩盡啲拍埋片嘻嘻哈哈呃埋最後一輪Like啦！」
佢仲話：「真係唔好再問點解無人去立法會留守支持你，因為就係你將件事搞××哂（晒）：『剪布饅頭』，就係咁食，×你其實（立法會主席）梁君彥可唔可以快手啲剪布，等呢班欺世盜名政棍呃少香港人幾日？」
本名黃覺岸嘅反對派評論員「岸伯」王岸然亦有同感，噚日就喺fb上載咗張2014年反新界東北示威者衝擊立法會同前日反修改議事規則立法會外集會的對比圖，聲稱：「2014年6月14日，千名年輕人衝；今時今日的抗爭......」
昔日出賣支持者今報應
網民「史健仁」就分享「岸伯」張圖，乘機同傳統反對派算賬話，之前「滿腔熱誠」去「抗爭」嘅人，3年幾嚟一直俾佢哋「割席」，仲要係光速嗰隻，𠵱家大家已經冇晒信任，所以先會得返呢班傳統反對派喺到示弱，「『泛民主派』當日為展示自己清高嘅道德身段，與建制及政府一同對付抗爭者，到今日你需要抗爭時，抗爭者就用返當日清高嘅道德身段對付返你。」
「Gary Law」就摩擦力強勁咁發現相中亮點話：「毛ET（毛孟靜）枝（支）咪真係神來之筆，擺明做Show。」「Sam Wong」亦話： 「關愛抗爭，『泛民』強項！」 ■香港文匯報記者 鄭治祖