香港文匯報訊（記者 梁靜儀）前亞視高層葉家寶昨日到電台接受馬浚偉（馬仔）主持的節目訪問，馬仔指結緣於他當年第一次踏足亞視，當時是亞視風雨飄搖的時候，已傳出會結業，但仍開一個由林以諾牧師主持的宗教節目，他因是基督徒所以應邀上節目，那次是他人生第一次踏足亞視：「嗰次見到好大個A字，跟住見到識郁嘅亞視Buddy，家寶就係嗰個A字真人版，嗰日呇n客氣招呼我又有傾偈，留下好深印象。當時我心諗點解一個電視台高層咁陰功，又唔係老闆，自己冇糧出仲要畀人追數，又要出嚟為公司解話安撫員工，仲要承擔法律責任，好慘，但又覺得佢好有勇氣，一間電視台有高層咁有承擔，如果TVB有個曾醒明，亞視就係葉家寶，我就好唔明點解亞視最後一屆《感動香港》頒獎禮家寶會冇份？作為觀眾我係好戥佢唔抵。」
說到亞視復活，曾醒明將出任亞視外事部總監，問到家寶沒被邀請回巢會否感失落？他說：「一啲都冇失落，我離開時都係做重組工作，覺得喺亞視嘅歲月差唔多，當時創世電視需要一位商業電視人嘅人幫手，我覺得可以去發揮到我可以幫忙嘅地方，新環境畀到我好多鼓勵，現在香港好多負能量，媒體畀到正能量係一件好事，而創世電視係一個正能量電視台，適合所有人睇。」問到無綫可有斟他過檔幫手？他表示希望先做好創世電視，又認為人有好多階段，現階段應該是創世電視。
