■阿田的聲帶近日出現問題。香港文匯報訊（記者 梁靜儀）田蕊妮（阿田）昨日到紅磡出席商場活動，談到新年願望，參加歌唱比賽出身的阿田，透露今年願望是推出專輯，早前錄音時發現聲帶沙啞，去睇醫生被勸一個月養聲，她笑說：「叫我一個月唔講嘢，對我嚟講係酷刑，所以今日可以出席活動同大家傾偈好開心。」
阿田憑無綫劇集《迷》獲提名角逐台慶頒獎禮最佳女主角，問到是否已成功拉票？阿田笑說謂：「唔使啦，年年頒獎禮都係咁，冇乜所謂啦！反而就揀咗衫 （因為已得過最佳女主角獎，所以冇壓力？）當年都冇諗過自己會得獎，有同冇獎都唔會好緊張，有獎當然開心， 我當然睇好自己。」她又稱對手當中，都幾鍾意好友唐詩詠，她笑說：「佢未拎過嘛，希望佢有好成績，都係時候要有個獎，佢感情上有缺失要喺事業上填補返。」
談到近日有傳詩詠與前度洪永城復合？阿田稱不知道：「佢冇同我講，啲劇情咁似電視劇，來來去去都係嗰個人，（介紹筍盤畀詩詠？）佢要介紹咩？我識嗰啲都唔筍，不過最緊要佢開心。（之前同詩詠去不丹旅行，有冇同你吐心聲？)點解係要佢同我講？其實係我同佢講心事。」
阿田透露想挑戰參加2018年健美小姐，着好少布比基尼，如果40歲可以做這件事對她來說很大件事。問到老公可會准許她着如此少布？她笑說：「到佢鍾唔鍾意咩？都娶咗我返屋企，冇得彈返轉頭。」