■區諾軒與「中箭」成員在香港仔被數名市民圍罵。 fb圖片反對派區諾軒俾人鬧就一定關新民黨陳家珮事？成日鼓吹「自決」又黐埋「中箭（香港眾志）」度�H立法會港島區補選候選人區諾軒噚日喺香港仔牌坊搞起步記者會，點知就俾一班市民狠罵，平時又要抗爭又盛�H佢哋，就忽然柔弱話自己俾人「圍堵恐嚇」，「中箭」黃之鋒更言之鑿鑿稱「其中有人聲稱『支持4號』」，想暗示係陳家珮方面�H人搞事咁話，但佢個黨友周庭貼出嚟段片就聽嚟聽去都冇呢句啦，唔知係咪對方淨係對住黃之鋒隻耳仔講呢？
黃之鋒屈是4號支持者
「港獨」、「自決」喺香港社會一向都好似過街老鼠咁，結果區諾軒噚日同「中箭」班人去到香港仔就俾幾個市民圍住嚟鬧，其間仲有啲推撞。向來都話要「抗爭」、又試過帶頭衝擊�H佢哋，噚日即刻「溫和理性」，話自己俾人「圍堵恐嚇」，批評對方行為粗暴咁話。
黃之鋒喺facebook度講返件事時，無端端加多句「其中有人聲稱『支持4號』」，疑似想入晒另一名候選人陳家珮數。不過，睇返佢黨友周庭段片，本身市民只係鬧吓佢哋，但佢哋就不停追問市民投邊個，市民粗口回應但就冇答，佢哋即刻話「建制派�H支持者就係咁樣�H質素」，令到對方更火滾，大鬧佢哋「漢奸」、「走狗」、「打靶仔」等，但聽嚟聽去都冇人講話支持4號。
話建制派支持者「咁樣�H質素」，咁黃之鋒個post下面啲留言又咩質素呢？「Peter Chan」話︰「這辨（班）人用粗口當衆駡人，完全沒有教養，狗仗主人勢，應該全部拉晒去人道毁滅，包括狗�H主人陳交义（叉）在內。」「汪容」稱︰「黑警死哂（晒）去食屎。」「Johnny Fat」同聲同氣咁話︰「呢D（啲）咪基本中國人質數（素）囉，大家睇到啦，哈哈，淨係不停吠……」又真係好「高質」喎。
「陳奕深」就揶揄返佢哋︰「學生用粗口同老師溝通差不多！好和平理性咁表達緊訴求喎！」「單文偉」就突破盲腸話︰「如果話建制支持者鬧你哋，倒不如話市民唔歡迎你哋！呀！唔好意思！應該係討厭或憎恨你哋至啱！」
陳家珮噚日就回應事件，強調有關市民唔係佢哋�H人，同時嚴厲譴責衝突同暴力，期望選舉喺和平、公開�H氣氛下進行，唔希望有任何唔愉快�H事發生。其後，佢仲發帖提到：「今（昨）早在香港仔的對峙畫面，對誰有利？對誰有害？我們不禁要問事件是否有人自編自導自演？」
葉太促警方選管會徹查
新民黨主席葉劉淑儀，在回應有反對派中人聲稱陳家珮的助選團向他們叫囂、推撞時強調，他們早已就此提醒助選人員。她不排除有人插贓嫁禍，會要求警方及選舉管理委員會徹查。
■香港文匯報記者 甘瑜