■傅嘉莉香港文匯報訊 TVB花旦傅嘉莉(Kelly)已赴橫店趕拍《包青天再起風雲》，而早前她現身由單文柔(Phoebe)與黃碧蓮(Linna)主持的J2節目《今期流行》剛剛播出，反應不俗，Kelly在節目中大談整頭箍心得，精細的手藝還獲不少藝人朋友垂青。
Kelly年前飛韓國拍廣告，逛街看到handmade頭箍後愛不釋手，但標價為三千多元，考慮三天後，Kelly買下它據為己有：「戴上那handmade頭箍後好多朋友讚靚，不過價錢都算貴，所以就自己試整多一個銀色版本，出來效果唔錯，於是開始不斷整頭箍，再PO上社交網絡，見到好多正面評價，感覺好滿足，通常都會用嚟襯衫，唔同style嘅衫襯唔同style嘅頭箍，通常頭箍都係闊身，配合本身打扮較為simple，配飾就可以浮誇少少，咁就會擦出火花。」
提到設計靈感，Kelly坦言：「來自Coco Chanel，佢係女性嘅經典代表，忠於自己風格，永恒優雅，我都會效法佢。」另外，胡杏兒、陳凱琳與沈卓盈等已分別在Kelly的IG留言預訂，問她有何準備？Kelly說：「我會問她們有沒有一些小飾物可重用，一來可點綴頭箍帶個人特色，二來環保。」