■耳東影業首度舉行大型發佈會，吳鎮宇、張智霖、余詩曼、古天樂、袁詠儀、吳鎮宇及張達明等齊祝酒。 彭子文 攝香港文匯報訊（記者 梁靜儀）耳東影業昨日於香港國際影視展上首度隆重舉行大型發佈會，現場播放兩部今年上映，分別由吳鎮宇、張智霖（Chilam）、佘詩曼（阿佘）主演的《洩密者》以及另一部由古天樂、袁詠儀（靚靚）、吳鎮宇及張達明主演的《家和萬事驚》預告片。
而有份拍《家和萬事驚》的古仔就大爆靚靚及鎮宇在片場不停吃，說去補妝原來也是去食嘢，靚靚笑謂有問古仔食唔食，他因要入戲沒有吃，又說六點後才進食，但她晚上六點後就不吃，所以大家不合channel。影片監製之一的達明，大讚古仔演出投入，古仔就笑稱如果是六點後拍攝就唔投入。
之後一眾演員及嘉賓上台影大合照及祝酒，曾被指介入Chilam及靚靚之間的阿佘，三人難得同場，頓時成了焦點，最初因Chilam 企錯位，令到兩女並排而企，後來Chilam發現自己企錯位才企到靚靚和阿佘中間，期間Chilam 一臉尷尬，全程直望，不敢望靚靚和阿佘，直至祝酒儀式，最初零交流的靚靚和阿佘，在阿佘主動下，二人來個碰杯，緩和了尷尬氣氛。
阿佘跟張智霖碰面不尷尬
阿佘、Chilam及鎮宇一起接受訪問，問到阿佘跟靚靚碰面可會尷尬？阿佘反問：「點解尷尬？」Chilam亦反問：「點解會咁？（有報道是這樣寫？)報道別有用心。」阿佘指私下在party都見過靚靚，也有打招呼。Chilam被問到為何企在兩女中間表現「硬晒」，他搞笑說：「唔通軟晒，成條軟皮蛇咁咩？」
到靚靚受訪時，說到三人同場似乎有點不自然，Chilam更表現生硬，她說：「好正常，唔係企邊個隔籬先硬晒？(阿佘囉？)都熟......（幾時熟㗎？)其實我哋唔係好熟，喺公開場合見到會打招呼，我去探班見過幾次，打個招呼係禮儀。(尷尬？)點解要尷尬？我同Chilam都同咁多人傳緋聞，咁咪好唔得閒？大人來，唔係細路仔，冇乜好尷尬。」當記者欲追問下去，靚靚已有點不耐煩，不欲再談這個話題。
另外，會上又公佈多個正在籌備之焦點電影計劃，當中包括由吳宇森監製，黃海導演，陳十三編劇的《喋血雙雄》，陳十三表示會保留原著經典場面，再加上新元素。