仇思達又發帖催小麗找數。仇思達fb截圖「瀆誓四丑」中的小麗老千（劉小麗），在立法會選舉期間承諾當選後會捐出議員薪金的一半成立長者義工隊，結果當然是走數，三催四請始捐出兩個月的一半人工，其後冇咗件事。當時，有人幫佢口話因為佢被DQ要向立法會退回人工所以「唔捐住」。不過，政府昨日已決定唔使佢還嘞。「無敵神駒」仇思達昨日就發帖，要求佢履行返承諾，捐出在任期間（2016年10月1日至2017年7月14日）的一半人工，合共9.5個月薪金，即458,897.5元。
唔少網民雖然叫好，但就擔心財到光棍手，對方一定會用其他借口再走數咁話。（見表）
網民嗌起釘
Pak Ching Chan：佢一係老老實實捐錢，一係就認自己講大話。
Milk Tea：佢哋班×人實講政府無刊憲唔洗（使）還錢，即係都仲可能被政府追數。有名你叫小麗老千，財到光棍手就一去無回頭。
Chun Cheong Mak：佢會唔會參加立法會補選？會的話，我得閒去九龍西搵佢，再叫佢捐番（返）D（啲）錢出黎（嚟）。
元小武：邊個代佢選九西都會叫佢找數，追×佢數。
Keith Lau：應該收利息。
Manyu Yip：等陣同你講錢債肉賞（償）點攪（搞）？
■香港文匯報記者 陳川