■Lance Yan為區諾軒「加油」的騎呢帖子。網上截圖香港文匯報訊（記者 陳川）蟲炎（姚松炎）選舉工程被批失敗，佢哋當然唔認係太過離地啦，所以就將問題推落設計得十分核突、劣評如潮嘅選舉橫額度。相信係主導該批橫額設計、係朱凱廸朋友嘅「Lance Yan」，就要特登喺fb直播，話唔係佢嘅錯喎！不過，睇吓尪嬼|期間點樣幫另一反對派候選人區諾軒「宣傳」，佢就真係好難脫豬隊友之名。
呢位「Lance Yan」自稱係「摱車邊80後香港憤青，最愛騎喺道德高地牆上抽水」，唔少人將蟲炎嗰批核突宣傳橫額上載佢fb質問佢，斷估無辛苦，你話佢唔係設計者都冇人信。再睇吓�喺fb為區諾軒「打氣」嗰張相，真係品味獨特，好在冇印成宣傳單張啫。「Jack Koo」就留言曲線揶揄佢嘅作品「美學水準超越人類標準，如果看不出你係精神出現問題」。
印橫額宣傳品的錢「好遲先籌到」
前街工成員、葵青區議員周偉雄就喺fb留言幫佢講說話，話自己「聽到」消息，話原來蟲炎印橫額及宣傳品嘅錢「好遲先籌到」，且要「限米煮限飯」，「我即時問：點解唔圍內吹雞集資呢？依（𠵱）家搞到咁咪仲衰！」
佢仲分享咗網民「澳新」嘅帖，裡面話「民主派人手及資源有幾咁捉襟見肘，港人有那麼多錢和時間吃喝玩樂，卻不願意付出一點點，事後不懂檢討只會聲討」，即係又賴人啦，真係有咁嘅候選人就有咁嘅支持者。
網民「Fai Ho」睇唔過眼咁都要兜：「姚教授用人不善和其團隊責無旁貸。......我見到有兩類人比較多提出不滿（a.k.a.聲討），一是煽風點火的，二是落手落腳做義工而睇唔過眼。如果聽到不滿聲音就視作聲討，結果就會係會失去後者的支持。」
「林忌」更加提出質疑，話：「有人，話有（蟲炎）團隊成員份人工，好似同其他開支唔係幾成正比。我聽咋，唔係來自你地（哋）的敵人，係來自你地（哋）的朋友，所以如果唔係好有信心，唔好打（冇錢）呢點啦！」
周偉雄都不得不講老實話：「選舉開支盤數一定要公開，要追根本唔難，......但是資源不足而缺乏宣傳品，在這次單對單的對決，泛民主派相信係無人 / 政黨會托手踭，只是他們（蟲炎）選擇不向同伴討論求援實屬不智！」