葉麗儀香港文匯報訊（記者 梁靜儀）葉麗儀（Frances）為慶祝出道四十八周年，將於六月底推出HiFi碟，昨日她到電台受訪，透露是一位前唱片公司同事找她促成合作。而新碟想做一個回顧，新碟中會有六首廣東歌，包括《上海灘》及《萬般情》等經典歌曲之外，又會有四首國語歌。Frances又透露新碟會由曾為張學友及陳慧嫻做唱片監製的區丁玉擔任監製：「雖然大家因為唔同唱片公司一直冇合作過，但一直好崇拜佢，覺得佢好識處理女聲，同佢傾咗幾次發覺大家諗法完全一樣，佢仲親自彈結他幫我伴奏《午夜結他》。」
她指碟中的國語新歌《從前慢》，是出自一首中國古詩，令她勾起很多兒時回憶，她笑說：「首歌係講一生愛一個人，雖然一生我有兩個愛人，同現任丈夫相愛四十幾年，係福氣。」現居澳洲的她，表示不用唱歌時就湊兩個孫，大的十歲，細的八歲，而這次回港會留兩星期，之後會上郵輪演唱。問到會否掛念孫仔孫女？她笑說：「都會有唔捨得，每日都會同佢哋FaceTime，同佢哋唱兒歌。（可會考慮出兒歌專輯？）唔會，但我錄出咗一隻CD，裡面有十二首兒歌畀個孫，封面都係我設計，只得一隻。」