■河童話佢哋組黨參選就係自薦入體制喎。 黃之鋒fb截圖反對派經常口講包容，但其實自己最不包容。青年發展委員會年僅18歲的自薦委員鄭康煥，在委員會首次簡介會後，提到「香港眾志」秘書長河童（黃之鋒）等也可嘗試自薦加入委員會發聲。河童即時發帖攻擊對方，話「鄭康煥對於激進主張聽唔入耳，反映佢缺乏兼容並包既（嘅）態度」，仲問：「依（??）個體制容得下我地（哋）嗎？」咦，人哋知你係激進派都希望見你加入委員會發聲，咁咪正正係希望唔同意見嘅人都可以互相包容囉，同你上網批鬥人比較，咁係邊個唔包容？
倡自薦入青發委反受辱
鄭康煥曾經喺2014年違法「佔中」期間喺fb發帖，話「『佔中』比八號波還要勁」，又批評時任「學民思潮」召集人的河童，「你示威遊行唔問警察攞不反對通知書，公然挑戰香港法律及警方，係非法集會。唔通你學識左（咗）（冇）禮貌？你連人與人基本的尊重都冇。 」
話時話，鄭康煥只係普通人，邊個記得佢咁講過？不過，當佢通過自薦計劃獲委任入青年發展委員會後，河童就即刻發帖，話對方「識時務者為俊傑，祝官場前程錦繡」喎，佢成班支持者更留言百般侮辱。
好嘞， 鄭康煥日前參加首次會議後，被記者問到河童時，就話委員會可以讓不同立場人士發表意見，如果黃之鋒也自薦加入青年發展委員會「係一件好事」，「至少你可以平心靜氣咁發言，你嘅聲音亦比較容易為其他人接受，或者聽得入耳啲，如果你係激進，或者會令其他人覺得唔想聽，亦都冇心機去聽。」
河童就即刻發爛渣，發帖話對方「貴為青年發展委員會委員」，「開會又再度點我名」。喂阿哥，人哋係開會後，而且係回應記者提問喎！但河童就唔理咁多，狂噴口水，話佢哋組黨就係「向市民自薦加入立法會，但結果落得乜野（嘢）下場，就人所皆知啦」。
瀆誓被DQ賴體制不容
佢又執住對方嗰句「心平氣和」，話對方「對於激進主張聽唔入耳，反映佢缺乏兼容並包既（嘅）態度」，然後就攞返黨主席羅三七（羅冠聰）因瀆誓而被DQ嚟講，話「當我地（哋）想進入體制，嘗試喺制度裡面推動社會改革，依（??）個體制容得下我地（哋）嗎？」
河童個人心胸狹窄，支持者當然都一模一樣。「Doris Chiu」就侮辱鄭康煥：「有錢途，好快有狗餅分。」「Milk Yeung」就稱：「算啦，人各有志，總有人鐘（鍾）意做奴才既（嘅）！」「Yuk Lan Cheung」亦聲言：「佢無本事，只能做奴才搵食啫，大家原諒佢啦！」
「Chuck Lai」就睇唔過眼班友圍爐，挑機道：「入立法會，可以拖政府施政後腿，為反而反！最重要是高薪。可惜羅冠聰因幼稚及為討好為反而反嘅票源，見財化水。加入青年委員會，對於你為反而反嘅才能，無從發揮，有冇考慮過加入青年囚友會？」
講嘢唔啱岒打N放上網批鬥人，河童講包容喎，真係笑死人啦！■香港文匯報記者 陳川