■剛完成台灣巡唱的學友(右)到場撐家輝。香港文匯報訊（記者 梁靜儀）張家輝第三部自導自演作品《低壓槽》，前晚於九展舉行首映禮，「阿哥」張學友、陳慧琳（Kelly）更現身支持，而有份主演的苗僑偉（三哥）、張可頤、林雪、元華、張繼聰、伍允龍及兩位小演員王詩雅（珠女）同李詠珊（Kitty）都有出席。學友大讚家輝執導有進步，更笑言對方做導演後變得好正經，想叫他一聲「大佬」！
剛完成台灣巡唱的學友，前晚一早到場，並跟「細佬」家輝一起接受訪問，家輝表示沒想到學友會到場：「知佢（學友）要飛來飛去，冇乜嘢都好少同佢聯絡，呢兩日同佢通電話，咁啱吨S喺香港，咪叫佢嚟囉！（傾合作？）佢邊度得？巡幾年，行咇咁。」
學友表示已睇過影片預告片，大讚家輝有進步，特別是鏡頭運用，比他之前有份參演的那部成熟了。家輝就謙稱仍有進步空間，很多謝投資方讓他任性，以及台前幕後對他的信任，如有機會下次都會繼續試，不過仍未想到題材。
昨日到江西開騷的學友，對於家輝表示可以等他的檔期，學友就笑說：「我巡到明年一月，你唔會咁快開呀？家輝做咗導演講嘢都唔同咗，以前講嘢似我咁冇乜Point，現在好有風格好正經，搞到我有啲驚，想叫佢一聲『大佬』！」家輝聞言即笑說：「唔使驚喎，細佬。」日前曾志偉等一班朋友去台灣撐學友場，學友說：「志偉佢哋咁啱去做生日，順便睇我個騷，我book間房畀佢哋諗住好秘密，點知佢哋就甫晒啲相。」
講普通話常被學友取笑
家輝早前在內地受訪作自我介紹時，因普通話不流利講成「渣渣輝」，因而多了「渣渣輝」這個外號，家輝大方表示不介意：「個朵現在好行，好親切，冇貶義，我唔會鼓吹大家咁叫，佢哋鍾意叫又叫得開心，我又阻止唔到。」學友聞言就說：「聽講你係因為國語啲問題，應該返去練吓，或者你同我對話時講多啲國語。」
家輝指曾多次被學友取笑普通話沒進步，但他知道很多香港藝人到內地拍戲，就算操得一口流利普通話，都需要配音，因內地有一套標準，笑言不是大家對他有偏見，問到即是否不學普通話？家輝笑說：「我都係忠於自己，同埋係反叛嘅人。」問到執導，會否找太太關詠荷演出？家輝直言機會比較微，因為屋企要有人睇住，他就自私些不讓太太拍。
穿上白色套裝的張可頤，隱約透出內裡的黑色bra top頗為性感，提議她不應收起好身材時，她卻笑稱不想太刻意。再次跟三哥及家輝合作，三人合照時，可頤指二人都曾演過她的老公。三哥指今次戲中的造型，都是家輝想的，家輝指一見到三哥，就想起一個儒雅的黑幫大佬。另外，三哥對於網劇《飛虎之潛行極戰》獲18億點擊被封為「福將」，他笑指只是數字，又不是錢。
Kelly望黎明調適當爸心理
Kelly前晚穿上透視裝襯短褲，大騷長腿的她，腳踏毛毛高跟鞋，她笑說：「家輝問我做咩帶兩隻狗嚟，我話係對翼。」上次Kelly有份為家輝執導的電影客串，她坦言希望家輝為她度身訂造一個角色，演奸角都可以。
提到好友黎明(Leon)剛榮升爸爸，Kelly表示未有看過BB女，她笑說：「我冇咁八卦，但個心都想睇吓啲相，如果撞到都會問佢拎相睇。」問到Kelly可有育兒心得傳授給Leon？她說：「要有心理準備會有好多人影，我好明白佢嘅心情，但小朋友遲早要返學，保護得幾多？要自己調適心理。」她稱自己都經常被其他家長影相，之後就放上社交平台，所以每次她都打扮得整齊。