【資料速遞】紅星千二路有專長

2018-05-08

今季跑馬地共八次用A欄作賽，睇番最近四月十一日同一移欄八場賽事，全晚有六場頭馬快過標準時間，大利前置馬匹進取，而全晚後上馬只有「靚紫荊」得手，而且排一至六檔之馬贏咗七場。踏入季尾，練馬師榜中下游馬房都開始大舉出擊，希望在馬季僅餘的兩個多月爭取更多頭馬或達標，今次葉楚航、蘇保羅、姚本輝、高伯新和賀賢等都派遣多駒出賽爭取成績。論出馬量計以葉楚航陣容最鼎盛，總共出馬七匹正選，還有三匹列席後備，當中兩場拆組三班千二米分別有「良才」及「紅星」上陣，其中後駒季內三勝同程，今次有力一爭。