第三場「醒目快駒」來港前在澳洲係匹處女馬，估計唔係甚麼好貨色，但狀態就好咗一輪，依家落四班跑千八，路合有反彈能力，冷冷哋可以一敲。「型酒杯」來港未曾入三甲，但近仗走勢已山雨欲來，今次起用潘頓排三檔，部署上已蠢蠢欲動。
第四場「駿協精英」轉投何良後評分持續下降，三月初同程負於「歡喜心」及「星運判官」跑第三，後駒上周打開勝門，「歡喜心」升三班入位，以此推算水準不俗，輕磅有利可秤先。「快利寶」母系源自氣袋世家，於千六米入位，產下三胎共十捷千五及以上，上次初跑一哩直路上以穩勢衝刺，有過一次同程經驗，展望戰鬥力將進一步增強。
第五場「友情人」上場莫雷拉後上跑第二未竟全功，難得賽後未有加分佔盡優勢，今次人馬捲土重來料有力贏番場交代。「紅星」上季至今五捷谷草同程路有專長，季初三勝後評分升至新高需要調整，近仗一再減分經已重返有利水平，搵來潘頓壓陣有力再響勝鼓。
第六場「咪走寶」打疊五戰同程不勝有位，上場贏三班前快後勁，四歲馬目前升勢尚未止境，戰鬥力方面持續增強，今次逢盃賽場合有條件名利雙收。「軍必勝」近仗已開始跑得接近，評分也比上季贏馬時為低，沙田始終對手較強，今次轉場增程謀求突破，冷腳在此。
第七場「雷公鑿」歷來跑谷草一哩獲得三冠五位夠準，近仗跑田草過渡性質都近，今次重返谷中首本戲上陣，有力再建一功。「星運判官」剛役同程贏來姿態篤定，開竅後升班減磅形勢未失，打鐵趁熱可執多一場。
第八場摩廄今戰只有兩駒報名，「大風暴」出王牌戰意甚濃，上次不敵「喜進」純是潘頓手風太順，敗不足辱，自轉過來跑馬地演出比沙田更穩定，出頭指日可待。「光芒再現」今季屢拚未再贏，但一再遇啱形勢甚具挑戰性，憑後勁仍可躋身前列而回。