（第一場）「星光大師」上季於三班谷草千二擊敗「騰龍超影」贏馬，前仗在四班同程也能上名，照計淪落到最低班次着數到暈，加上有莫雷拉之助更是如虎添翼，值得倚作首選。
（第二場）「再創商機」季初尚能在三班跑獲接近之殿軍，若以此賽績套落今組四班計如虎入羊群，加上強配潘頓兼有黃金一檔之利，放手一拚理應可坐位望贏。
（第三場）「運財童子」實力差不多見盡，惟本身勝在跑此程路有專長，加上季內狀態長勇連拚未疲，今場排得三檔亦好跑，發揮出水準，機會不後人。
（第四場）「紫電明珠」實力大致見盡，但無可否認本身谷草性能極為出色，當中此程曾累積一勝十一位，賽績冇花假，打硬仗，前列之材也。
（第五場）「惜多福」上賽於田草千二米由頭帶到尾贏得相當輕易，確認四歲愛爾蘭自購馬踏上升軌，以其跑法轉戰窄場只會好有無壞，值得追捧。
（第六場）「越感」此程累積四冠兩亞四季是最佳出路，論戰功在此無出其右，現時評分比上勝時低三分，應該有迴旋餘地，亂局場合，慎防打翻身仗。
（第七場）「勁哥兒」剛仗能贏馬並不出奇，只係估唔到取勝姿態竟然如斯輕鬆，五歲北半球馬已徹底開竅，沿留原班角逐，添食冇乜難度。
（第八場）「放眼量」剛仗搏失，於終點前只影相不敵「靚紫荊」得亞軍，某程度上係輸運氣多過實力，今次回配潘頓顯有決心收復失地，取其戰意唔使估。