第六場､第三班､一二○○米。「綠勇士」迄今錄得兩冠五亞兩季成績，而今次渡江出戰千二，馬房卻交由冷殺手沈拿上陣，再睇上季尾喺柏寶胯下出爭同程能夠追入冷Q，負於「勤德兼備」短頭位，可見跑此程並非全無招架之力，冷門在此中尋。
第七場､第三班､一八○○米。「勁哥兒」上賽之前成績未有突破，僅位置交代，難得上次潘頓肯再次接手轉戰谷草二千二，發揮比起上兩手騎師信得過，結果沿途殿後，入直路慳位打衝鋒一攻而破；是場縮爭千八，排一檔起步形勢妙哉，隨時再後發先至擊敗對手。
第八場､第三班､一六五○米。「開心駿馬」近四場專攻谷草同程雖不上名，惟前仗均速下跑第四，只負於「威信」三個多馬位，久沉馬重現生機；可惜上仗配郭能搏失；復課後操練仍十分積極，動態有打翻身仗意圖，埋門由何澤堯試千二谷閘走勢順暢，今次抽排內檔，如起步搶得出，隨時在此施放冷槍。