第六場、第三班、一二○○米。「勇敢傳說」在港十一戰，無論贏馬或入位都是谷草千二，上次突然轉爭沙田大場，路程適應固有疑問，對手加強亦無可避免，最終跑第十二輸五個馬位未算太差，今次終於重返谷中千二，應屬出擊目標所在。「勇敢傳說」向來靠追食糊，轉投東廄後跑三仗亦無變，三月尾谷草千二米由幾近包尾追回第三，末段交出廿二秒七全場最快；翌仗再爭同程，末段進一步推快至廿二秒三，狀態已隨實戰逐步提升；上場經田草隔一隔紗，今次重返谷草，信賴告仔功力，轉倉未交代必搏盡。
第八場、第三班、一六五○米。「琴心星」早於周歲時由現馬主家人以七萬澳元買入，再交由練馬師Matthew Dunn做初部訓練，相關的「傾心星」亦出自其馬房，在澳洲一戰一勝運港，首季已在方嘉柏馬房兩捷，退役前共勝出四場。「琴心星」在當地亦不過四戰，贏兩場夠資格進口即鳴金收兵，從勞愛德兩勝千六米表現所見，對手水準雖平常，但越贏越易之餘，每戰前段越來越慢，走勢稚嫩但後勁越來越強，顯然有能力兼有進步空間；來港後已有四場熱身，跑開田草今次轉來谷中對手減弱，恃輕磅提防在此平地一聲雷。