■譚詠麟、陳嘉容、崔碧珈及釗峰等到尖沙咀出席《關懷糉有您》義賣活動，校長自掏腰包買糉，出錢又出力。香港文匯報訊（記者 梁靜儀）譚詠麟（校長）、陳嘉容、崔碧珈及釗峰等今日到尖沙咀出席《關懷糉有您》義賣活動，校長更自掏腰包買糉，出錢又出力。校長嚟緊八月開騷，打算最後十日先來減。校長又自爆曾試過用四日減咗十六磅，但就希望大家唔好學。
譚詠麟昨日以神秘嘉賓身份到尖沙咀出席糉券義賣活動，問到會否買糉券送給親友？他表示自己同朋友都有開食肆，其實自己已經有，不過今次係善事所以都一定會支持。他又講到自己不太能吃糉：「因為我打波傷過條頸椎，食糉的話啲筋會嗱住，其實已經係戒咗好少食。」
自嘲身上都有隻「帝王糉」
校長又自嘲身上都有隻「帝王糉」（ 指肚腩）：「我遲啲攞埋呢隻帝王糉出嚟賣。」 他表示之前踢足球傷及頸椎要戒吃糉，但今次活動都要支持。問到何時才發力減走「帝王糉」？校長笑稱正在計劃賣甩「帝王糉」：「我最迫切係試過用四日減咗十六磅， 嗰次係地獄式，早午晚都做運動，再配合飲食，不過大家唔好學，（冇暈？）我個底夠厚至頂得住，但大家唔好學，因唔健康。」他又稱因身材突變，歌衫要臨急改尺寸而被服裝師投訴。他就建議歌衫可加扣子，而下身就用橡筋褲頭來應付。校長又透露今次演唱會尚未開始正式綵排，因為要準備全新的歌單。
陳嘉容最愛糉中肥豬肉
同場的陳嘉容直言最鍾意食糉裡面的肥豬肉，試過食糉當早餐，不過餘下兩餐就要食得清淡。她自爆近兩年都有跟媽媽學包糉，因不想這個傳統會失傳，但學極都唔識。
近日正為Viu TV主持投資節目的她，表示會趁機向受訪的CEO請教投資之道， 雖然在港有物業，但因為香港樓價太貴，所以會向海外發展物業，而日本、越南、泰國同韓國都是不錯的選擇。她又坦言指有留意受訪的CEO，可惜全都有老婆， 感情還是要隨緣。