香港文匯報訊（記者 李思穎）組合農夫昨日出席將軍澳商場美食街的揭幕禮，並獻唱《舉高隻手》，現場吸引不少市民圍觀，場面熱鬧。
農夫剛完成澳門一站巡唱，稍後準備到內地和東南亞演出，還有多個地方斟洽中，C君希望巡演到無了期，他和陸永開心說：「上次在旺角麥花臣場館都話係世界巡迴演出，現在拉斯維加斯都傾緊，係咪世界性演出，算係咁啦。」C君自言人生暫時未去過拉斯維加斯，陸永再自爆：「連德國都傾緊。」C君笑言：「德國有咩人想來聽農夫？做到都開心，不過應不會唱英文歌。」陸永續說：「都會學定一、兩句德文同大家打招呼，但估計入場睇我哋唔會係德國人。我哋在德國人眼中，佢哋唔識聽我哋唱歌，可能係睇樣，見到我哋好靚喎。」
頻頻斟洽巡演，必定豬籠入水，他們即否認說「未至於」，問到賺多幾多個零頭？陸永搞爛Gag說：「來來去去咪鄭裕玲，唔洗多幾多個零，一個鄭裕玲就夠。」C君和應說：「如果鄭裕玲肯畀個零我就夠，我唔走𠻹啦。」至於會否再跟嘟姐合作，暫時未知的他們，估計再合作也是主持居多。
陸永透露有人對他們好有信心，提議在香港再開騷，但他們需考慮一下：「上次就話相隔七年再開騷，今次沒什麼藉口，有好大壓力。」