「本土民主前線」前發言人梁天琦暴動罪成，成班傳統反對派突然撲出來瘋狂為他塗脂抹粉，有部分是因為本就與「獨」友好，特別是公民黨，有部分則同時妄想在選舉時可以此「人情」得到部分「港獨」支持者的選票。民主黨前主席何俊仁在接受傳媒訪問時就聲稱梁天琦主動約他見面，彼此更「成為朋友」，更為對方撰寫求情信。不過，唔少「獨派」中人都唔領情，反而話佢以偽善掩飾自己嘅無恥，為自己做政治宣傳。
周街唱代寫求情信扮老友
可能因為何俊仁封信最後未有呈上法庭所以冇人知，佢就借啲意接受網媒訪問，「透露」自己寫過一封求情信。佢喺訪問中話，梁天琦在參加立法會補選時，「企出嚟時高傲、好鬥、不可一世。」其後，梁天琦有「巨大轉變」，在主動約佢見面時，態度「好謙和、好謙卑」，大家仲成為朋友喎。
金鐘「佔領區」東防鐵馬組「大佬」、曾參加過中西區區議會選舉落敗的「大嚿」劉偉德就喺fb發帖，不點名批評何俊仁及其他反對派中人：「最近幾日不斷有『泛民』中人出來無恥地沾梁天琦的光環。不少『泛民』老屎忽更話自己同佢建立咗友誼。喺（係）嗎？定係你搵到你政敵心理狀態最差，人生最低點嘅事（時）後（候）假惺惺扮關心，但目的只係要梁天琦道歉，否定整個『勇武抗爭』嘅意識形態，借梁宣揚『泛民』政治理念嘅正確性呀？」
佢狠批：「呢尐（啲）叫做威逼利誘，笑裡藏刀，借刀殺人。以偽善掩飾自己嘅無恥。唔好再消費呢個年輕人嘅光環啦，唔好懶親切咁『天琦』前『天琦』後，撈幾十年政治仲搞埋呢尐（啲）初級班嘅政治秀，唔×你都唔係香港人呀。」
明讚獨琦暗踩「本土派」
由「獨」派中人、中大講師劉正經營嘅「無神論者的巴別塔」fb專頁亦發帖鬧：「響個訪問入面，何俊仁好得戚咁大談梁天琦點樣『個人變咗好多』、『好謙和、好謙卑』，其實就係暗示你地（哋）『本土勇武派』最有代表性領袖經已比（俾）我民主黨大老收復云云。......何俊仁你條×樣仍然咁賤利用呢樣嘢作為政治宣傳工具！」
劉偉德亦喺帖下留言：「佢哋仲害佢唔夠，『天琦』前『天琦』後，×你老母。尤其是何俊仁同佢班律師，後面做過幾多小動作，PK嘢自己知啦。若然未報只係時辰未到。等收嘢啦，『泛民』。」
退休懲教主任、網台節目主持吳廣明也留言稱：「有人比（俾）你踢中要害，所以，民主黨賣香港係無錯！......我從來都不太喜歡梁天琦，但也不憎恨，因為大家定位不同，但我仍然是老人家心態，要後生仔為左（咗）政治受靶，我絕對同情，也學不到這些老屎忽的偽善。」
不過，「David Chan」就撐何俊仁，質疑劉偉德：「×幫手嘅人『沾光環』都算係一種沾光環嘅方法嘅。」劉偉德就反駁：「幫你老×，我幫完洗（使）好似你地（哋）咁走（周）街唱。做你嘅花生友啦！」
網民批公民黨做得最核突
「無待堂堂主」盧斯達就發帖稱：「等佢地（哋）有判決之後，大把野（嘢）同『泛民』計。」「Roger Lee」就鬧埋梁天琦旺暴罪成後以吃奶之力試圖為他洗白的公民黨：「我唔妥梁天琦都覺得係，當中最×核突最×垃圾就係公民黨！」 ■香港文匯報記者 陳川