■江嘉敏表示工作忙碌充實，沒有時間拍拖。香港文匯報訊 江嘉敏昨日出席商場活動，大玩足球遊戲及獻唱兩首歌，不過唱歌時一度忘詞，她坦言自己唔係第一次公開唱歌，不過《情非得已》呢首歌係第一次唱，自己的飲歌都係比較抒情。江嘉敏說：「我覺得今日(昨日)啱唱些輕快的歌，所以就揀咗呢首歌，我之前忙拍劇，好難同歌唱老師夾時間練歌，我用咗一日去練習，由夜晚練到今朝，練多幾次就會好啲。」
另外，對於王浩信與太太陳自瑤傳分居，曾與王浩信傳緋聞的江嘉敏表示日前從記者口中才得知，但就不會打電話去關心對方，她解釋：「因為大家合作拍完劇就冇再聯絡同見面，突然打畀佢好似好唐突同八卦。（因為你們的緋聞而影響佢哋夫妻感情？）唔關事，我同佢合作完《兄弟》就冇再聯絡。（怕唔怕因為咁影響你形象？）唔會特別去關注或留意呢件事，做好自己。」 江嘉敏亦被問及最近的工作情況，表示工作忙碌充實，沒有時間拍拖。