■胡鴻鈞展示腳法。香港文匯報訊（記者 植植）胡鴻釣(Hubert )昨日於新蒲崗出席商場活動，大玩足球遊戲並獻唱。他坦言小學時有踢波，但發育時發現雙腿因踢波而變粗，故中學時改為打籃球，更是籃球校隊。問到是否因此吸引不少女同學捧場？他表示自己讀男校，所以沒女仔睇。
對於不少網民要求他與好友許廷鏗合拍港版《大叔的愛》，胡鴻鈞表示非常樂意：「叫佢返TVB拍劇，佢都有一段時間冇曝光。如果真係開劇，我會邀請佢幫手，不過我要有呢個能力先得。（你開到聲佢肯？）我諗我開到聲佢應該OK，我講過如果佢拍劇，我會撐佢，我諗我拍，佢都應該會撐我。（唔介意拍呢類題材？）最重要係搞笑同有新鮮感，大家都冇試過呢個組合，最重要係可以帶到畀觀眾歡樂。（你們兩個已經傳緋聞，再拍怕唔怕被定型？）唔會，係冇嘢先會攞出來講。（介唔介意有接吻戲？）同邊個？（許廷鏗。）我可唔可以揀？但一下子未諗到同邊個。（又話唔介意同佢？）可能佢介意呢，唔好啦，我介意呀。（佢唔好錫？）未錫過，唔知佢好唔好錫。」