旺暴發生後，反對派政黨扮晒嘢「譴責暴力」，話要相信、尊重法治，但無論喺「佔中」以至旺暴案判刑時，佢哋就不斷話班暴徒係「政治犯」，講到佢哋應該攞好市民獎咁，批評法官的判決，好似公民黨黨魁戇橋（楊岳橋）就係咁。不過，喺「獨琦（梁天琦）」昨日判刑後，「港獨」分子就回帶返佢當年喺立法會新界東補選時同「獨琦」爭位時，在一選舉論壇上話香港有獨立嘅法治制度，所以「有險可守」嘅說話鬧爆佢。
反對派口講話要尊重法治，認為唔應該批評法官判案，覺得唔公平可以上訴，但當判決唔啱�哋聽時，佢哋就非常「勇武」咁批評法官嘅判案。近日，佢哋就對參與旺暴嘅「港獨」分子呵護有加，讚到佢哋天上有地下無。「獨琦」昨日判刑，戇橋亦都幫佢講說話。無他嘅，所謂政治，喺�哋眼中其實係計數：明年就係區議會選舉，佢嘅如意算盤係就算吸納唔到呢班「港獨」分子，都可以避免佢哋到時阻手阻腳吖。
口講尊重司法又包庇暴徒
喂阿哥，之前又係你話要尊重司法制度，鬧吓法官判決都唔啱，仲喺補選期間同「獨琦」對壘時，話「香港仍有希望，因為香港有獨立的司法系統。如果有人想搞佢，Over my dead body！」個噃，現在又改口，將龍門搬上太空，到底你邊句先係真？
唔少網民都不滿佢包庇暴徒，仲攞返妠蕈g喺反東北發展案時話「入獄的13人都因為案底而令人生變得更精彩」嚟恥笑吽]見圖）。「Lee Yan」就話：「真開心！ 呢班人渣，終於享有你條契弟所講嘅......精彩人生！ 期待佢哋出獄之後，繼續做啲傷天害理嘅事......繼而再入返去確保餘下一生都繼續精彩！」
就連戇橋想吸嘅「獨」，都唔買佢賬噃！鼓吹「自決」嘅「香港眾志」前主席羅三七（羅冠聰）就喺fb發帖話：「達官貴人說要相信法治，相信制度，相信基本法，相信『一國兩制』。抹了一額汗，我們，還有甚（什）麼能夠相信。」河童（黃之鋒）亦喺轉發該帖時亦特登highlight咗呢一句，擺明係一巴巴打到戇橋啪啪聲。
「有險可守難聽過粗口」
一直撐「獨」嘅演員杜汶澤更「直線抽擊」，爆粗道：「有險可守，×過粗口！」網民「Jeremy Lui」就攞返戇橋喺立法會辯論「一地兩檢」時去咗美國威威一事：「當佢既（嘅）黨羽同儕喺立法會『浴血奮戰』，真正『守險』果（嗰）陣，佢死左（咗）去邊！原來去左（咗）老美玩！」■香港文匯報記者 陳川