香港文匯報訊（記者 陳川）大家都係食「人血饅頭」，就不用分得那樣細啦！社民連的「長毛」梁國雄，昨日在梁天琦判囚時拉起橫額到現場抽水，「港獨」分子即刻古思堯上身，大罵：「喂！喂！喂！企開啲啦×你老母！」職工盟清潔服務業職工會組織幹事杜振豪就發帖反擊，話成班「獨派」大佬網上凶狠，但梁天琦判刑時就冇晒影：「如果『本土派』組織過來法庭回應事件，邊輪到社民連講？」
長毛昨日去高等法院外示威做騷，話旺角暴動係「名副其實的『政治審判』。」不過，「獨派」當然唔領情。「無待堂堂主」盧斯達就發帖話：「你社民連從來就不斷打壓梁天琦，個副主席周諾恆就話『樂見本土派領袖一個一個向法庭認錯』，梁國雄聽幾次審就覺得好威威去問人點解唔劫獄。食『人血饅頭』，借梁天琦來幫自己上鏡，要做到最後一秒啊。」
網民譏神速：訂場都嫌慢
「Chris Yip」亦話：「長毛你真係×街到一個極點！當日你第一個割席，今日你好意思×出嚟？」「Sword Lam」道：「冇幾個月前就大肆嘲笑梁天琦求情，今日就出黎（嚟）博鏡頭搶fo，果然人性的契弟！」「翼雙飛」也揶揄：「行船爭解纜，饅頭佢食先，Book場都嫌慢，法院門口食。」
「Fong Kwun Shing」則道：「講開又講，暴動時唔見佢（長毛）幫手嘅？」「Sam Law」就話：「呢啲粗重嘢梗係留返畀後生啦！小麗（旺暴當晚曾喺fb呼籲小販到旺角擺賣的『瀆誓四丑』之一劉小麗）咪一樣早走！」
「左膠」杜振豪就發帖反擊：「見到有啲『本土派』又批評社民連抽水。心諗，如果『本土派』組織過來法庭回應事件，邊輪到社民連講。社民連唔去聲援，連呢啲基本立場都出唔到傳媒呀陰公。」
佢仲對「獨派」事事追住傳統反對派嚟咬表達不滿，質問道：「梁天琦的選舉造勢大會台下，有幾多『本土派』的意見領袖，到今日還對梁天琦不離不棄。黃毓民和陳雲的惡言相向不計，鄭松泰是唯一一個現時還得益『本土派』興起的人，他的割席比起『泛民』是否更應優先處理？」
杜振豪仲揶揄梁天琦嘅拍檔黃台仰：「梁天琦被宣判當日，未見黃台仰在海外現身宣佈成立『香港臨時政府』或『香港解放陣線』，那他的出走暫時只能視作單純的潛逃而已。......如果正如好些梁天琦支持者所講，香港人不配擁有梁天琦，那我想反問一句，香港的『本土派』值得擁有梁天琦嗎？」