■展鵬有試過女友單文柔的烹飪手勢。香港文匯報訊（記者 梁靜儀）陳展鵬、阮兆祥和胡鴻鈞前晚為無綫節目擔任嘉賓，展鵬與擔任美女學徒的女友單文柔一齊受訪，二人不時打情罵俏。問到展鵬可有試過對女友的烹飪手勢？他認有，並笑說：「可圈可點啦，有啲好食、有啲就唔好食，因為佢會試煮一啲新菜式。」問到單文柔可會嬲？她笑說：「真嘢就唔好講出嚟啦。」展鵬反問她是否嬲？單文柔說：「食晒就得啦。」
余潔滢心痛家姐被罵
展鵬表示平時也有下廚，並形容自己煮餸是快狠準，反而女友就煮得較慢，可以當消夜，單文柔反駁：「我食過你煮嘅嘢，但覺得自己煮得好食啲。」問到兩人可有一起下廚玩煮飯仔？展鵬說：「好似有，又好似冇，唔記得咗，不過我覺得一齊入廚是情趣，醉翁之意不在酒，過程最重要。」
美女學徒之一難的余潔滢，問及可知家姐余香凝與陳家樂分手一事，她坦言同家姐感情一向好好，都有傾過。她又透露家姐現時的心情已經好些，加上又有很多工作要忙，希望大家給她空間處理私人事。對於家姐被指偷食、拜金可會感心痛？她說：「做妹妹當然心痛，因為知道唔係事實，佢哋亦都已經回應咗事實真相，其他人點諗我哋就控制唔到。（佢哋分手覺唔覺得可惜？）感情係兩個人嘅事，佢哋都回應咗呢個係大家嘅決定，都冇話可唔可惜，佢哋都想工作擺喺頭。」 問到她可認識被指是家姐的新歡？她說：「我都試家姐好多朋友，但唔會特登去過問同八卦。（家姐開食店？）係呀，都係報道出咗先知，始終係一門生意，所以家姐唔想我同媽咪擔心，最近就知道喇。」