■千嬅用手去摸軒仔大腿。香港文匯報訊張敬軒前晚第五晚演唱會，紅館繼續星光熠熠，容祖兒、蔡卓妍、許廷鏗、譚嘉儀、樂易玲、細細粒、胡鴻鈞、薛家燕等都有來支持。更請來楊千嬅任特別嘉賓，與「降兩度」(軒仔)合唱《可惜我是水瓶座》。
千嬅隨歌聲升上台，觀眾一聽音樂已經興奮萬分，反應非常熱烈，兩人唱完歌，「降兩度」(軒仔)馬上同千嬅姐打招呼，並且告訴千嬅，為了迎接她，把頭髮都染了紫色，軒仔說：「你睇吓我個頭髮，特登為你做㗎！你係紫色頭髮始祖。你係天后，你教下我這些後輩。」千嬅笑言：「咁我咪即係你祖先？我下面升上來，點會仲係天后，我已經變咗娘娘啦，大家都係水瓶座，我大你一個圈，我估我做得你阿媽喎！」軒仔說「咁邊個係我阿爹？」千嬅狂笑，「冇㗎，你睇我就知係單性繁殖你㗎啦，所以你咪似青蛙囉。哈哈！」
然後千嬅又話：「見到你咁努力，上台係唔容易事，無論有幾多經驗都好，重要好有堅持先得，你做到咗啦，做到一個令人感動的騷。」軒仔說：「係呀，我真係好有堅持，日日堅持返去剃腳毛......我唔介意比你摸吓。」
摸完大腿，千嬅問軒仔說：「聽講你大前晚有個好震撼嘉賓喎？」「降兩度」就嫌棄地說：「唔關我事，係嗰個張敬軒請，關智斌，濕濕碎啦！」沒料到千嬅竟然問：「咁你幾時會嫁？唔係，我幾時有個女婿？定係娶新抱？但係你現在咁樣，真係唔係好得，你要執執先，執完返上來就有姻緣㗎。」聽到叫結婚，觀眾即起哄，軒仔就答：「原來我今日係求姻緣，哎，我快點落返去執吓先。」