■唐詩詠透露有興趣在日本及英國投資物業。香港文匯報訊（記者 梁靜儀）唐詩詠、莊思敏（Jacquelin）、江美儀、陸浩明、林穎彤及季蘋蘋昨日到銅鑼灣出席日本物業投資前瞻及策略分析活動。詩詠稱本身沒物業，又指香港樓價太貴，試過睇過一間dream house，但要價超過2千萬，不過她認為還有一樣事比買樓更難，就是揀男友！
詩詠表示都有興趣在海外投資物業，因香港樓價太貴，如有少少錢想投資又不想太大負擔，現時在海外置業又冇以前那麼難。她又稱如在海外置業，會揀日本及英國。
她又謂一直有睇香港樓：「都想買，Target係六百萬樓下嘅細單位，但馬明（馬國明）叫我大（單位）又睇，細又睇，平又睇，貴又睇，有啲好鍾意，但Target有啲難。我睇到一個單位好鍾意，好靚，但好貴，有啲難。（你個dream house幾多錢？）超過二千萬，都有九百呎至一千呎，我覺得有啲離譜，終於明馬明點解要睇幾年樓。」詩詠稱本身沒物業，都是租樓住，以前屋企人有，但經歷過金融風暴，覺得好大壓力，所以現時不想有供樓壓力，她會作最壞打算，會想清楚自己的能力先。問到買樓困難還是揀男友較難？詩詠笑說：「可能揀男友難啲，因樓容易有心儀，努力賺錢就可以，但男友要好多嘢配合。」
莊思敏自貼物業作愛巢
近日獲國際美洲大學頒發博士學位的Jacquelin，甫到場即被稱作「莊博士」，她同樣認為香港樓價太高，是時候考慮在海外置業，她說：「我鍾意日本及泰國，就算自己唔住都可以放租，遊客區都應該好安全。」
她表示在香港有兩層樓及一間舖放租，問到可有遇過租霸？她慶幸未遇過租霸：「香港法律保障都OK，租客有畀按金，整壞咗嘢，可以扣按金，反而租畀屋企人同朋友住仲唔好，所以有海外物業係唔會畀人知，要保守秘密。」至於可會再在香港買樓？她大呻樓價太貴很難再買：「香港買一個車位可以喺日本買到兩個單位，泰國買到四個。」她又稱搵男友不用對方有很多物業，對她好就可以，最緊要不用瞓街。問到可介意拿出物業作為愛巢？她笑言沒所謂。