■姜皓文偕妻飛去大馬視察新居環境。香港文匯報訊 今年初在馬來西亞購入物業的姜皓文（黑仔），近日趁有空檔，與家人飛過去馬來西亞收樓兼視察新居環境。
新屋環境非常優美，更有私人泳池。黑仔感慨地說：「一磚一瓦都係努力工作的成果，一切都得來不易！最要多謝的人一定係老婆，由按揭、搞裝修，大大小小事都由佢打理，現在佢仲負責室內設計、揀傢俬，經常要馬來西亞香港兩邊飛，好彩有佢！呢層樓係我的原動力之一，提醒自己努力工作賺錢。」
黑仔透露今次旅程每天都忙着搞新居，沒有時間遊山玩水。不過，因為阿妹和檳城的親戚生日，難得一大班人聚在一起慶祝生日，成家人坐小火車上榴槤山吃榴槤，非常熱鬧。黑仔還發現，原來自己在馬來西亞人氣不錯：「原來檳城好多人都有睇香港電影，佢哋好熱情，試過問完路之後，車埋我們去目的地！」