鄭俊偉馬房最近兩個馬季均剛剛好贏夠十六場頭馬順利畢業達標，雖然馬房處於弱勢，但都能夠剛好畢到業，反映鄭廄亦有點運，事實上，在目前香港的下游馬房當中，要數曾經有遠征贏馬經驗者，亦只僅得鄭俊偉一人，可想而知，此廄爛船亦有三斤釘，只要未來部署得宜，加上有新副練何敬森在陣，新季繼續達標不會有難度。
現時鄭俊偉馬房養馬量達三十餘駒，其中質新馬方面最值得留意係「金碧科」，雖然此駒上季來港時三歲表現平平無奇，但五戰全部跑第五或第六名，有一定的穩定性，而且陣上一再後上如箭追得好，更反映能力不弱，既然剛季已經汲取了不少出賽經驗，新季轉四歲成熟進步，預計好快可以交出頭馬。
從血統的角度去看，「金碧科」在港同父系馬包括「慣勝積極」、「旺蝦王」、「紅旗星將」、「帝豪寶寶」、「醒蹄飛」及「帶榮來」等駒，此系馬大部分在港服役時都可以交出勝仗，可見適應本地水土及環境方面不會有問題，而且性能上多以中短途最合腳法，雖然如此，「金碧科」母線卻有點長力，結合本身在陣上早段落腳較慢，跑千四米亦曾經多番後上不及，估計全熟之後應以一哩或千八米最佳，季初階段可能需要熱身，其後增程跑中距離途程，可望展示出本身最強的一面。