香港文匯報訊 C AllStar成員梁釗峰單飛發展第一首主打歌好評如潮，乘勝追擊，今日推出第二首新歌《閃亮的青春》，邀請了蘇麗珊擔任MV女主角。他們不但外形相襯，連身高亦是天作之合，釗峰坦言：「邀請蘇麗珊在我MV做女主角，因為佢好有青春氣息，尤其是佢着起校服毫無違和感，而且她的高度同我好匹配......」身旁的蘇麗珊笑說：「我都好難得拍攝唔使企木箱！」釗峰忍不住大笑起來。
新歌由釗峰與側田一齊作曲、林若寧填詞、監製Edward Chan和Cusin Fung，釗峰說：「Edward問我『青春』令我諗到咩顏色？我第一時間就話金黃色和橙色，好有光芒和希望，於是佢就編了呢個版本出來。有人會想將回憶拿走，但我覺得無論好壞的回憶都要有，咁先至令我實在，由呢個回憶成就現在的我！」蘇麗珊非常認同，她說：「我好鍾意呢份歌詞，好正面去講回憶，勾起我好多共鳴，好窩心！」歌詞提到回憶，釗峰和蘇麗珊亦穿着校服拍攝，他們一臉童顏不但沒有違和感，兩小無猜手拖手好溫馨。而成長後的部分就在中環取景，這對舊情侶在摩天輪前重遇，原本好浪漫，但當釗峰發現蘇麗珊手上的婚戒時，就知道一切只能成為回憶，擁抱後互相祝福和告別。