老馮開到口話如果小麗老千被DQ，佢就會考慮參選，唔少所謂「民主派」嘅支持者即刻叫佢去驗腦甚至死咗去，有人話佢係要搞小麗老千，又話佢曾經講過唔再參選等等，但同時唔少人就反駁，老馮講到明唔妥嘅係「欽點Plan B」你呃人（李卓人）同「民主動力」，揶揄呢班人文盲，而你呃人其實都講過唔選，但呢班人同樣當睇唔到，所謂「民主派」，根本就係假民主。
老馮昨日同傳媒講佢有意參選，小麗老千嘅支持者即刻叫囂。「Bernard Lau」就批評：「馮檢基終於講出心底話，假仁假義，拒絕讓賢，馮檢基終必自斃！」「Joe Leung」爆粗道：「你算×數啦，仲未樣衰夠咩！」
陰謀論屈為任務𠝹票
「Sam Cheung」就似乎比較「理智」：「基哥，唔好選喇。劉小麗唔會贏，你去選都唔會贏，點解要搞到自己咁核突。」
「On Shing」即刻話：「你估佢真係唔知咩！根本有任務在身或有利益才去做！」
「Sam Cheung」忍唔住反駁：「任咩務啊，佢講明劉小麗被DQ先選，佢針對李卓人同『民主動力』。……老實講，由上次『初選』到今次，『民主動力』對基哥唔公道。……我唔講咩陰謀論，基哥選係佢問題。但點解『民主動力』同劉小麗可以自己決定『plan b』係李卓人？」
「Kevin Chan」就揶揄道：「你唔搞『初選』咪自己入閘囉！民主唔係咁咩？」「Joseph Li」也強調，「選票是市民的，誰都可以參選。使唔使先問過『民主動力』鄭宇碩哩（呢）條民主賊呀？」
曾經代表「東九龍社區關注組」參加區議會選舉嘅鄭國俊就勞氣道：「成班傻粉都表面民主內裡獨裁，馮檢基要求『Plan B初選』，咁無『初選』佢自己出有咩問題？佢都講明係萬一劉小麗被DQ先考慮參選啦，嘈乜啫？仲話『民主派』喎，收皮啦！」
「Kei Sun Tony Lam」對此也深有同感：「成班『泛民』×人，哂（嘥）氣啦！李卓人×有機（會）咩，次次抹黑，話人收錢。講到尾都係一件怕輸既（嘅）懦夫。係咩驅使你班『泛民』政棍假民主同不斷出黎（嚟）××呀？係窮呀×你個×，收皮啦小麗老母！撐基哥！」
無視李卓人曾稱唔再選
「Catherine Lau」就挑機道：「我是九西選民，絕不會投馮，可（何）況他明明講過上次係最後一次，食言的PK。」鄭國俊就窒返佢轉頭：「李卓人夠話2016係最後一次啦，你兜吖兜吖，我想睇呀！」
「Francis Cho」試圖轉移視線，話老馮從未在新界西服務，缺乏地區工作和實質支持，但上次立法會選舉時就參選新西嘅往事。鄭國俊又開炮：「咁李卓人又有喺九龍西服務過咩？有地區工作同實質支持咩？」
「Pui Yee Leung」批評老馮：「人可以無知，但不可以無恥到綣（棧）戀權力至千秋萬世！」「李亨利」即時以子之矛攻子之盾：「李卓人都喺（係）綣（棧）戀權力啦！」「Kei Sun Tony Lam」就話：「李卓人唔係戀棧權位？李卓人係戀棧九萬六（議員薪酬）呀×！」 ■香港文匯報記者 陳川